Create successful ePaper yourself
Turn your PDF publications into a flip-book with our unique Google optimized e-Paper software.
ÇËSHTJE TË SIGURISË - 12<br />
99<br />
kualifikim për ata të rinj me nivel të ulët arsimimi. Në të njëjtën<br />
kohë, norma e të punësuarve në sektorin publik është ulur<br />
nga 33% në vitin 1995 në 15% në vitin 2008 18 për shkak të<br />
disa privatizimeve të ndërmarrjeve shtetërore. Nëse këtyre të<br />
dhënave do t’u shtohej edhe deficiti mjaft i lartë tregtar i vendit<br />
tonë mund të argumentohet se problemet kryesore të sigurisë<br />
ekonomike të Shqipërisë dhe qytetarëve të saj prekin paradigmën<br />
socio-ekonomike të sigurisë dhe atë të garantimit të kapaciteteve<br />
teknoindustriale. 19<br />
Por cilat do të ishin disa nga kërcënimet që vijnë nga<br />
papunësia për sigurinë ekonomike të individëve dhe, për<br />
rrjedhojë, për sigurinë ekonomike strukturore të shtetit? Ndër<br />
to mund të radhiten: një mundësi e humbur për zhvillimin<br />
ekonomik; mosshfrytëzimi i potencialit social e ekonomik të<br />
vendit; avantazh krahasues i papërdorur si rezultat i krahut të<br />
lirë të punës; rritja e numrit të individëve që i drejtohen<br />
punësimit informal; rritja e ritmit të emigracionit dhe humbja<br />
e krahut të punës; rritja e mundësive që të papunët të<br />
përfshihen në aktivitete kriminale, si vjedhjet, drogat, trafikimi<br />
ilegal etj.<br />
Në përsiatje të rritjes së sigurisë ekonomike individuale si<br />
dhe të kapaciteteve prosperitet-prodhuese shteti shqiptar ka<br />
ndërmarrë gjatë viteve të fundit një sërë masash, të cilat janë<br />
shpalosur në Strategjinë e Punësimit 2007-2013 të qeverisë<br />
shqiptare, si:<br />
• Riintegrimi i emigrantëve në tregun vendas të punës, të<br />
cilët mund të ndajnë eksperiencën e fituar jashtë vendit<br />
nëpërmjet uljes së përkohshme të taksave për bizneset e tyre.<br />
• Fuqizimi i agjencive qeveritare të punësimit dhe zhvillimi<br />
i partneriteteve me agjencitë private të punësimit.<br />
• Zhvillimi i partneriteteve me aktorët e tjerë në tregun e<br />
punës të tilla si bizneset, universitetet, institutet e kërkimit<br />
dhe donatore te ndryshëm.<br />
18 Ministria e Punës, çështjeve sociale dhe shanseve të barabarta, Strategjia<br />
e Punësimit 2007-2013.<br />
19 Shih, Christopher Dent, “Economic <strong>Security</strong>”, në Allan Collins (ed.),<br />
“Contemporary <strong>Security</strong> Studies”, Oxford University Press, 2007, ff. 204-220.
Change language