Create successful ePaper yourself
Turn your PDF publications into a flip-book with our unique Google optimized e-Paper software.
ÇËSHTJE TË SIGURISË - 12<br />
127<br />
Dy parimet bazë të demokracisë janë që të gjithë qytetarët<br />
kanë akses të barabartë në pushtet dhe e dyta që ata gëzojnë të<br />
drejta dhe liri të njohura botërisht. Megjithatë, nëse një<br />
demokraci nuk legjitimohet në mënyrë të tillë që të shmangë<br />
ndarjen e pabarabartë të pushtetit politik në balanca, si është<br />
ndarja e pushtetit, atëherë një degë e sistemit rrezikon të<br />
akumulojë aq pushtet sa të bëhet e rrezikshme për vetë<br />
demokracinë.<br />
“Demokracia liberale” (që gjykohet të jetë edhe lloji i<br />
demokracisë në Shqipëri) ndër të tjera përfshin: pluralizëm<br />
politik, barazi përpara ligjit, të drejta civile dhe njerëzore, proces<br />
të drejtë si edhe elementët e shoqërisë civile. Zgjedhje<br />
konkurruese që të jenë të drejta si në thelb ashtu edhe nga ana<br />
procedurale, kërkon garantimin e lirisë së shprehjes politike,<br />
lirinë e fjalës dhe lirinë e mediave. Të gjitha këto janë esenciale<br />
në një proces paraelektoral, pasi mundësojnë informimin e<br />
qytetarëve në lidhje me votën dhe interesat e tyre personale.<br />
Pra, demokracia mund të shihet si një set praktikash dhe<br />
parimesh që institucionalizojnë dhe rrjedhimisht mbrojnë<br />
lirinë.<br />
Siguria politike në Shqipëri<br />
Analiza e sigurisë politike për Shqipërinë përfshin 5<br />
elementë bazë që do të analizohen në mënyrë të përmbledhur<br />
si vijon:<br />
a. Niveli i demokratizimit<br />
Parlamenti ka konsoliduar më tej rolin e tij si fokus për<br />
debatin politik në një kohë që forcat kryesore politike kanë<br />
filluar bashkëpunimin në çështje madhore. Ky konsensus mes<br />
shumicës ligjore dhe partisë më të madhe opozitare ka rezultuar<br />
në arritjen e progresit në reformat e gjyqësorit dhe atë<br />
zgjedhore. Kjo e fundit synon një Kod Zgjedhor gjithëpërfshirës<br />
dhe transparent, i cili do të garantojë votën e lirë e secilit<br />
nënshtetas. Parapërgatitjet për regjistrin civil elektronik dhe<br />
sistemin e adresave përfunduan në shtator 2008 duke siguruar
Change language