Security Issues - IDM Albania

ÇËSHTJE TË SIGURISË - 12
49
shprehur qartë ndaj interesave ruse, rezultati i zgjedhjeve
presidenciale të SHBA-së në 2008-n do të ketë
domosdoshmërisht një impakt vendimtar në pozicionin
ndërkombëtar (dhe brenda BE-së) të Sllovakisë.
Fitorja e kandidatit demokrat (duke qenë kundër angazhimeve
të SHBA-së në Irak dhe duke premtuar “përmirësim” të
marrëdhënieve me aleatët europianë) përfaqëson një prioritet të
qartë të elitave të sotme zyrtare të Sllovakisë.
Sllovenia
Sabina Kajnc dhe Milan Brglez, Qendra për
Relatat Ndërkombëtare, Lubjana
Në vjeshtë të 2004-ës, një qeveri e qendrës së djathtë mori
pushtetin nga koalicioni i kaluar i qendrës (së majtë), i cili
kishte qeverisur Slloveninë pothuajse pa ndërprerje që prej
pavarësisë në 1991. Qeveria Janša, drejtuar nga Partia
Demokratike e Sllovenisë, ishte ideologjikisht më afër me
administratën Bush se qeveritë e kaluara. Kjo u vërtetua nga
mbështetja sllovene e nënkuptuar që vazhdon dhe tani për
politikat amerikane në Irak (Sllovenia kontribuoi me dy
instruktorë të policisë në misionet civile të drejtuara nga
NATO që lëvizën nga Jordania në Irak në fillimin e 2005-ës,
Kryeministri Janša vizitoi gjithashtu Irakun në 2006-ën), si
dhe nga administrimi i përgjithshëm i Sllovenisë në 2005ën
për Kryesinë e OSCE-së dhe nga Presidenca e saj së BEsë.
Kjo e fundit demonstrohet nga një informacion nga
Ambasada Sllovene në Uashington në të cilën “urimet e
administratës së SHBA-ës” rreth disa politikave të caktuara,
sidomos mbi Kosovën, ishin shprehur qartësisht. Vështirësitë
në marrëdhëniet bilaterale ndoqën rrjedhjen e kësaj
komunikate në shtypin slloven (dhe serb), çka rezultoi në një
procedurë të zgjatur të përcaktimit të Ambasadorit të ri të
SHBA-ës në Slloveni, i cili arriti vetëm pak para samitit BE-
SHB të mbajtur në Slloveni në qershor 2008.