You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
ÇËSHTJE TË SIGURISË - 12<br />
109<br />
Pavarësisht gjithë këtyre kërkimeve dhe influencës së tyre<br />
në politikë, mbetet i hapur debati rreth dobishmërisë së<br />
konceptit të sigurisë ambientale. Parë nga një këndvështrim<br />
mjedisor, janë shfaqur disa shqetësime mos ndoshta ky koncept<br />
ka çuar drejt një militarizimi të çështjeve ambientale. Parë në<br />
perspektivën e paradigmës dominuese të sigurisë, ekzistojnë<br />
shqetësime mos ndoshta koncepti ka nënvlerësuar çështjen e<br />
“fortë” të analizës dhe planifikimit të sigurisë kombëtare. Me<br />
këtë debat lidhen çështjet rreth veçantisë të sigurisë<br />
ambientale, duke pasur parasysh vështirësitë e dallimit midis<br />
problemeve mjedisore dhe atyre të sigurisë mjedisore, si dhe<br />
midis problematikës së sigurisë dhe problematikës së sigurisë<br />
mjedisore. Sidoqoftë, për shumicën e studiuesve të sigurisë<br />
ambientale, dobishmëria e saj qëndron në urën që ndërton<br />
për të mbyllur hendekun midis studiuesve të sigurisë dhe<br />
politikëbërësve nga njëra anë dhe atyre që punojnë në fushën<br />
e mjedisit nga ana tjetër, duke krijuar kësisoj shkrirje të reja të<br />
teorisë dhe mundësi të reja për debat e dialog. Megjithatë,<br />
kërkimet studimore të kohëve të fundit kanë treguar se<br />
ekzistojnë lidhje të drejtpërdrejta mes degradimit të ambientit<br />
e ndotjes nga njëra anë, me çështjet e sigurisë kombëtare në<br />
anën tjetër. Kjo ka bërë që mjedisi tashmë të përcaktohet ose<br />
në kornizat e “sigurisë shtetërore” ose të “sigurisë njerëzore”.<br />
Në rastin e Shqipërisë dhe për sa i përket përballjes me sfidat<br />
që rrjedhin nga siguria mjedisore elementi më i logjikshëm<br />
për t’u fokusuar do të ishte roli i politikës, duke pasur parasysh<br />
edhe procesin e integrimit të vendit në Bashkimin Europian.<br />
Siguria mjedisore në Shqipëri<br />
Strategjia Kombëtare e Republikë së Shqipërisë, e aprovuar<br />
në vitin 2004, nuk i kushton ndonjë vëmendje të veçantë<br />
sigurisë njerëzore, pavarësisht se shumë aspekte të saj lidhen<br />
ngushtësisht me fusha të ndryshme të sigurisë, si siguria<br />
shëndetësore dhe ajo ekonomike. Gjatë regjimit komunist, nga<br />
viti 1944 deri në vitin 1991, qeveria Shqiptare dedikoi shumë<br />
pak investime në mbrojtje të ambientit, në një kohë që ky sektor