You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
3. Siguria Ekonomike<br />
ÇËSHTJE TË SIGURISË - 12<br />
(Evis Gjebrea - Pedagoge në Universitetin Europian, Tiranë,<br />
Llukan Tako - Studiues)<br />
Koncepti teorik:<br />
Çfarë është siguria ekonomike?<br />
95<br />
“Siguria ekonomike” është një shprehje gjithnjë e më e<br />
përdorur, por edhe një koncept i teorizuar relativisht pak në<br />
literaturën e ekonomisë politike. Në përgjithësi ekzistojnë dy<br />
ligjërata tepër të ndara për sigurinë ekonomike: analizat<br />
mikronivelore, të cilat përqendrohen në agjentët e “lokalizuar”,<br />
si individët, vatrat familjare dhe komunitetet lokale, të cilët<br />
interesohen kryesisht për garantimin e sigurisë së jetesës së<br />
tyre (shih Liew 2000; Zalewski 2005) (në studimet mbi vendet<br />
në zhvillim kjo përqendrohet shpeshherë në çështjet e sigurisë<br />
së ushqimit); si dhe siguria ekonomike makronivelore, e cila<br />
tenton të fokusohet në kombet-shtete (ose në entitete të tjerë<br />
të aftë të drejtojnë një politikë të jashtme ekonomike) dhe në<br />
angazhimet e tyre në sistemin ekonomik ndërkombëtar. Parë<br />
nën këtë qasje dynivelore është e mundur të artikulohen dy<br />
përkufizime të sigurisë ekonomike, të cilat, ndonëse të veçanta<br />
për nga natyra e sigurisë që përsiatin, ndërlidhen<br />
pazgjidhshmërisht në epokën aktuale globale që po jetojmë. 12<br />
Në aspektin makroekonomik, sipas një përkufizimi mjaft<br />
të plotë shkencor, me siguri ekonomike kuptohet “ruajtja e<br />
integritetit strukturor, e kapaciteteve prosperitet-prodhuese dhe e<br />
interesave të një entiteti politiko-ekonomik në kontekstin e rreziqeve<br />
12 Për më tepër mbi sigurinë ekonomike në epokën globale shih: Kahler,<br />
M. (2004), “Economic <strong>Security</strong> in an Era of Globalisation: Definition and<br />
Provision”, Pacific Review, Vol. 17(4), 485-502. Ky artikull shqyrton në mënyrë<br />
kritike sigurinë ekonomike në ekonominë e sotme globalizuese. Ndërmjet<br />
të tjerave, ai vë në pikëpyetje identifikimin e çështjeve të sigurisë ekonomike<br />
si ekskluzivisht kombëtare në një epokë globalizmi dhe për më tepër<br />
paralajmëron kundër konceptimit se globalizmi sjell vetëm pasiguri më të<br />
madhe ekonomike për shtetet-kombe dhe rajonet e ndryshme.