Security Issues - IDM Albania

22 INSTITUTI PËR DEMOKRACI DHE NDËRMJETËSIM
JAN TECHAU & ALEXANDER SKIBA
MARRËDHËNIET TRANSATLANTIKE 2009
PRITSHMËRITË EUROPIANE
TË EPOKËS POST-BUSH
A do të sjellë viti 2009 një fillim të ri në marrëdhëniet
transatlantike? Nga eksperienca me administratën tetëvjeçare
të Bushit, Bashkimi Europian dhe vendet e tij anëtare janë të
etur për t’i parë me një sy tjetër partnerët e tyre përtej
Atlantikut. Çfarë mundësish do të gjejnë ata për një fillim të ri
në marrëdhëniet Europë-Amerikë? Çilat çështje do të zënë
vendin kryesor kur, pas fushatës së gjatë zgjedhore në SHBA,
politikëbërësit do të ulen për t’u marrë me çështje esenciale?
Pas një periudhe hezitimi të madh në të kaluarën, të dy
kampet në Amerikë pranojnë tashmë se interesat kombëtare
të SHBA-së shërbehen më mirë nga një Europë e fortë. Në të
njëjtën mënyrë, Europa ka mbërritur në konkluzionin e
përgjithshëm se partneriteti me Uashingtonin është i
dëshirueshëm edhe kur ndërmjet vendeve të BE-së ka
mosmarrëveshje për atë se çfarë duhet të përfshijë konkretisht
ky partneritet.
Kështu, administrata e ardhshme e SHBA-së jo vetëm
do të mirëpresë një BE të fortë, por do ta përllogarisë dhe
do ta kërkojë si të tillë. Uashingtoni me siguri që do të
kërkojë kontribut me të madh dhe më të qenësishëm nga
aleatët e tij europianë për çështje kyçe ndërkombëtare: nga
Afganistani dhe “lufta kundër terrorit” te të menaxhuarit e
rritjes së Kinës, nga kundërveprimi ndaj Iranit te një NATO
më fleksibël për të ndërmarrë veprime globale. Si edhe është
karakteristike për debatet transatlantike, kërkesat europiane
ngelen çështje të larta parimore, por të përgjithshme, ndërsa
Uashingtoni do të ulet në tryezë më propozime dhe
pritshmëri konkrete.