Security Issues - IDM Albania

ÇËSHTJE TË SIGURISË - 12
103
Në varësi të këtyre kategorive edhe reagimet e njerëzve
ndaj problemit të sigurisë ushqimore janë të ndërlidhura mes
tyre. Opinioni i përgjithshëm mbizotërues në vend tashmë
sigurinë ushqimore e sheh të lidhur ngushtë me cilësinë si
dhe me larminë e strukturës ushqimore, e cila ndikon
drejtpërdrejt në mbarëvajtjen e sigurisë njerëzore në raport
me sëmundjet apo problemet që burojnë prej saj.
Siguria ushqimore në Shqipërinë e tranzicionit
Megjithëse pas viteve ’90, GDP-ja në vend është rritur në
mënyrë të qëndrueshme në Shqipëri, varfëria ende prek një
pjesë të konsiderueshme të popullsisë, veçanërisht në zonat
rurale dhe në ato që janë urbanizuar rishtas. Në këtë mënyrë
ka probleme të sigurimit në sasi e cilësi të ushqimit të
shëndetshëm.
Që prej fillimit të tranzicionit në vitet ’90, Shqipëria doli
me një krizë të sigurisë ushqimore, e cila u shkaktua nga ulja
e produktivitetit bujqësor për shkak të mbikolektivizimit të
tokave bujqësore dhe mungesës së ushqimeve bazë në tregun
vendas. Si rrjedhojë e privatizimit të tregtisë dhe tokës
bujqësore, siguria ushqimore filloi të përmirësohej nga viti në
vit dhe furnizimi i rregullt me ushqime u përmirësua në
mënyrë të ndjeshme, veçanërisht me nënprodukte të
qumështit, vezë, fruta dhe perime. Në nivel kombëtar dieta
ushqimore që siguronte plotësimin e nevojave bazë kalorike
të popullsisë në përgjithësi u realizua dhe nivelet e
kequshqyerjes dhe mosushqyerjes u ulën.
Megjithatë në këtë periudhë filloi një varësi e madhe e
Shqipërisë nga produktet ushqimore të importuara, veçanërisht
drithërat dhe ato të përpunuara, të cilat lidhen më pas me
sigurinë dhe garancinë ushqimore që kanë ndikim të
drejtpërdrejtë në sigurinë njerëzore. Në mënyrë të veçantë
problem paraqet ende kequshqyerja e fëmijëve të vegjël brenda
familjeve me të ardhura të pakta, e cila shpesh shoqërohet me
rritjen e vdekshmërisë foshnjore në zona të caktuara të vendit.
Kjo pasqyrohet edhe në gjendjen jo të mirë si dhe të cilësisë e