Create successful ePaper yourself
Turn your PDF publications into a flip-book with our unique Google optimized e-Paper software.
ÇËSHTJE TË SIGURISË - 12<br />
121<br />
raport me një pjesë të vendeve të tjera të Evropës Qendrore e<br />
Lindore) siguria komunitare e minoriteteve kombëtare dhe<br />
atyre etnokulturore përjeton ende standarde të dyfishta në<br />
raport me komunitetin më të madh vendas. Madje në këtë<br />
rast, situata komplikohet edhe më tej me standarde shumëfishe<br />
edhe në raport me trajtimet e ndryshme që marrin minoritetet<br />
etnike e kulturore në Shqipëri.<br />
Para vitit 2003, statusin e minoritetit e kishin vetëm 3<br />
minoritete kombëtare, mes të cilëve ai grek, maqedonas dhe<br />
serbo-malazez. Por në vitin 2003 edhe Romët morën zyrtarisht<br />
statusin e minoritetit. Ndërkohë, minoriteti Arumun mori<br />
statusin e “minoritetit gjuhësor”. Përveç tyre, disa grupe të<br />
tjera si janë Egjiptianët, njihen si komunitete, ndërkohë që ky<br />
komunitet kërkon nga autoritetet zyrtare që t’i jepet statusi i<br />
minoritetit kombëtar. Një ndër arsyet që e ka shtyrë shtetin<br />
shqiptar që të mos u japë atyre statusin e minoritetit lidhet me<br />
faktin se ata nuk kanë një gjuhë të tyre, si dhe nuk dëshmojnë<br />
veçori të karakterit etnik kulturor dhe fetar. 43<br />
Sidoqoftë, evidentimi i situatës së minoriteteve në vend<br />
mbetet problematik. Regjistrimi i fundit zyrtar i popullsisë i<br />
kryer në vitin 1989, në të cilin jepet edhe numri i minoriteve<br />
në Shqipëri, ka mbetur deri më tani e vetmja e dhënë zyrtare,<br />
e cila përbën burimin më të gjithëpranuar për përqindjen dhe<br />
raportet e minoriteteve në vend. Megjithatë, ajo çka mund të<br />
konsiderohet pozitive lidhet me kuadrin ligjor në vend.<br />
Progres-Raporti i fundit i Bashkimit Europian për Shqipërinë<br />
vlerëson faktin se për sa u përket të drejtave kulturore,<br />
kushtetuta parashikon mbrojtjen e të drejtave civile,<br />
ekonomike, sociale e politike të grupeve të minoriteteve dhe<br />
ligji ndalon trajtimin diskriminues. 44 Neni 20 i Kushtetutës<br />
43 VKM Nr. 127, datë 11.03.2004 - Për krijimin e Komitetit Shtetëror të<br />
Minoriteteve (Fletore Zyrtare Nr. 13, Viti 2004, fq. 547). Shih edhe<br />
Minoritetet: E tashmja dhe e ardhmja. Raport i Grupit Shqiptar për të<br />
Drejtat e Njeriut mbi gjendjen e minoriteteve në Shqipëri. Botimet<br />
“Kanun”, Tiranë, 2003. fq. 91, 156.<br />
44 Commission of the European Communities) Brussels, 05.11.2008<br />
SEC(2008) 2692 final COMMISSION STAFF WORKING DOCUMENT:<br />
<strong>Albania</strong> 2008 Progress Report {/COM(2008) 674}, pg. 16-17.