Create successful ePaper yourself
Turn your PDF publications into a flip-book with our unique Google optimized e-Paper software.
92 INSTITUTI PËR DEMOKRACI DHE NDËRMJETËSIM<br />
në vetvete duke përfshirë këtu konfliktet për pronën,<br />
gjakmarrja, vjedhjet, fyerjet, dhunimet etj., i bëjnë shqiptarët<br />
shumë të ndjeshëm ndaj atij koncepti që në shumë vende<br />
perëndimore ekziston si objekt studimi - “rreziku për jetën<br />
nga faktorë njerëzorë të jashtëm”. Ndërkohë që tejkaluam<br />
periudhat e rrezikut nga luftërat dhe destabiliteti politik në<br />
Ballkan, aktualisht ndodhemi nën presionin e një shoqërie në<br />
transformim në të cilën individët apo grupet e ndryshme të<br />
interesit mund edhe të jenë rrezik për sigurinë individuale në<br />
forma të drejtpërdrejta ose indirekte.<br />
Një shembull i mirë që tregon hendekun që ekziston midis<br />
kërcënimit dhe masave për të luftuar këtë rrezik për sigurinë<br />
individuale është siguria në rrugë. Gjatë 15 viteve të fundit<br />
aksidentet automobilistike paraqiten në shifra alarmante në<br />
Shqipëri, por ndërkohë mungon një plan afatgjatë apo masa<br />
emergjente për të luftuar këtë fenomen. Sipas Institutit<br />
Shqiptar të Statistikave (ISSH), nga vitin 1995 deri në vitin<br />
2007, kanë ndodhur 7410 aksidente, të cilat kanë lënë pas plot<br />
10559 viktima nga të cilët 3875 kanë rezultuar fatale për jetën. 10<br />
Duke analizuar statistikat vit pas viti, vihet re qartë një tendencë<br />
në rritje e numrit të aksidenteve në Shqipëri. Pavarësisht këtyre<br />
shifrave tragjike në rritje, siguria rrugore ende nuk është<br />
përfshirë në hartën e prioriteteve të kërcënimeve kombëtare<br />
të njohura nga institucionet Shqiptare.<br />
E njëjta gjë mund të pretendohet edhe për kurbën e<br />
kriminalitetit dhe krimin kundër personit. Në një periudhë<br />
prej viti 1993 deri në vitin 2001 kanë ndodhur 55855 krime<br />
nga të cilat 4085 rezultuan fatale për jetën e njeriut në një<br />
numër total prej 10700 krime kundër personit. Megjithatë,<br />
këto shifra pretendohet që të jenë edhe më të larta duke marrë<br />
parasysh faktin se shumë krime nuk raportohen e denoncohen.<br />
Analiza e këtyre të dhënave na tregon se numri i krimeve është<br />
rritur në kategori të ndryshme, ndërkohë që perceptimet e<br />
njerëzve tregojnë se individi ndihet gjithmonë e më i pasigurt.<br />
Në këto kushte, koncepti i dhunës përbën emëruesin e të<br />
gjithë faktorëve që mund të diskutohen në frikën që shoqëron<br />
10 INSTAT. Road traffic accidents, www.instat.com.al.