You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
122 INSTITUTI PËR DEMOKRACI DHE NDËRMJETËSIM<br />
përcakton se personat që u përkasin minoriteteve kombëtare<br />
mund të ushtrojnë liritë e të drejtat e tyre njerëzore në barazi<br />
të plotë para ligjit. Ata kanë të drejtë që të ruajnë dhe të<br />
zhvillojnë kulturën dhe gjuhën e tyre, ashtu sikurse të ndjekin<br />
nivele të caktuara të arsimit të detyrueshëm në gjuhën e tyre. 45<br />
Por pavarësisht këtyre garancive kushtetuese, praktikimi i<br />
këtyre të drejtave nga minoritetet lë ende për të dëshiruar dhe<br />
për më tepër varion ndjeshëm nga minoriteti në minoritet ku<br />
ekstremin më pozitiv e zë ai grek dhe atë me pozicion më pak<br />
të kënaqshëm ai rom dhe egjiptian.<br />
Ndërmjet tre minoriteteve etnike të njohura në vend,<br />
numrin më të madh e përbën minoriteti grek, i cili është<br />
vendosur në jug të Shqipërisë në rajonin e Gjirokastrës si dhe<br />
në rrethet e Sarandës e të Delvinës. Sipas regjistrimit të fundit<br />
të popullsisë më 1989, minoriteti grek numëronte rreth 60000<br />
banorë. 46 Për shkak të mungesës së një regjistri të saktë të<br />
numrit të popullsisë për sa u përket minoriteteve, ai është bërë<br />
shkak për të ashtuquajturën “luftë shifrash” që zhvillohet mes<br />
përfaqësuesve të minoriteteve apo ndonjëherë edhe shteteve<br />
të tyre të origjinës me institucionet shtetërore shqiptare dhe<br />
opinionin publik në vend.<br />
Sipas raportit 47 të GSHDNJ (2003), ndonëse ky minoritet<br />
është i pozicionuar ndjeshëm më mirë se minoritetet e tjera,<br />
kërkohen ende statistika të sakta dhe të freskëta, përfaqësim i<br />
cunguar në arenën politike dhe vendimmarrëse të vendit,<br />
ndarje më e mirë administrative e zonave ku gjendet ky<br />
minoritet, më tepër mundësi edukimi në gjuhën greke dhe<br />
45 Ligji Nr. 7491, datë 29.04.1991 “Për Dispozitat kryesore kushtetuese<br />
(Fletore Zyrtare Nr. 4, viti 1991, fq. 145) Neni 4 te Dispozitat e përgjithshme<br />
flet për garantimin e të drejtave të pakicave kombëtare. Ligji Nr. 8417, datë<br />
21.10.1998 Kushtetuta e Republikës së Shqipërisë (Fletore Zyrtare Nr. 28,<br />
viti 1998, Faqe 1073) Pjesa II - Të drejtat dhe liritë themelore të njeriut<br />
(Neni 18 mosdiskriminim) Neni 20 pika 1 dhe 2 (arsimimi) - Neni për<br />
pakicat kombëtare e të drejtat që ata gëzojnë. Neni 22, 23, 24 - liria e shprehjes,<br />
informimit, liria e ndërgjegjes.<br />
46 Shih te http://www.southeasteurope.org/documents/<br />
0009albminorities.pdf-<br />
47 GSHDNJ, Minoritetet: E tashmja dhe e ardhmja, Botimet “Kanun”,<br />
Tiranë, 2003.