Security Issues - IDM Albania

ÇËSHTJE TË SIGURISË - 12
107
qasje të dyfishtë. Nga njëra anë garantimi i nevojave bazë
ushqimore për shtresat në nevojë dhe të varfra si edhe nga
ana tjetër përgatitja për të funksionuar si një treg i përbashkët
me BE-në, ku merr përparësi jo vetëm sasia e llojshmëria e
prodhimeve ushqimore, por edhe cilësia e garancia e tyre për
shëndetin e njerëzve si pjesë e sigurisë njerëzore në tërësi.
5. Siguria Mjedisore
(Besar Likmeta - Gazetar/Reporter BIRN)
Koncepti teorik: çfarë është siguria mjedisore?
Në kuptimin më themeltar pasiguria është rreziku që
diçkaje me vlerë t’i ndodhë një e keqe. Për shembull, njerëzit
që vlerësojnë punën e tyre shqetësohen mbi rrezikun e
papunësisë; familjet që i kushtojnë rëndësi ushqimit
shqetësohen për furnizimin e rregullt me ushqime; qeveritë
që i kushtojnë vëmendje fuqisë shqetësohen nga mundësia e
humbjes së pushtetit; ndërsa vendet që vlerësojnë paqen si
diçka të vyer shqetësohen për mundësisë e shkuarjes në luftë.
Kështu, koncepti i sigurisë mund të aplikohet për shumë gjëra
të ndryshme që kanë vlerë (pra, për objektet referuese si puna,
shëndeti, organizatat/institucionet, vendet/kombi) dhe i
referohet një shumëllojshmërie kanosjesh (si papunësia,
mungesa e ushqimit, ndryshimi i qeverisë, lufta). Duke pasur
parasysh këtë kontekst, nuk përbën habi fakti që edhe mjedisi është
parë si objekt referues i sigurisë dhe që ndryshimet mjedisore janë parë
si rreziqe sigurie. Këto dhe lidhje të tjera midis mjedisit dhe sigurisë
mund t’i përkasin fushës studimore të emërtuar “siguri mjedisore”.
Termi “siguri mjedisore” lindi gjatë fundit të viteve 1980,
kur raporti mes mjedisit dhe siguria e njeriut u bë subjekt kërkimi
studimor dhe një shqetësim në rritje në komunitetin e
akademikëve. Siguria ambientale është një prej një sërë çështjeve
“të reja” jo-tradicionale të sigurisë. Ajo ka shërbyer për të zgjeruar
dhe thelluar konceptin e sigurisë. Ky koncept na ndihmon të