Security Issues - IDM Albania

90 INSTITUTI PËR DEMOKRACI DHE NDËRMJETËSIM
Pjesa e mbetur e studimit që vijon do të përqendrohet pikërisht
në hulumtimin e këtyre dimensioneve apo fushave të sigurisë
njerëzore, duke sqaruar paraprakisht angazhimin tonë
konceptual në drejtim të shkollës së konceptimit të gjerë të
sigurisë njerëzore.
2. Siguria individuale *
(Edlira Peço - Pedagoge në Universitetin e Tiranës)
(Ira Papagjika - Koordinatore Ligjore në Ministrinë e Brendshme)
Koncepti teorik: Çfarë është Siguria Personale?
Në ditët e sotme siguria individuale shihet në
këndvështrimin e kushteve dhe faktorëve, qofshin këta fizikë
apo emocionale që duhet të ekzistojnë për personin që ai vetë
të ndihet i sigurt. Reagimi që individi ka ndaj kushteve jetësore
që ai apo shoqëria ndërton për të, varet në një masë të madhe
edhe nga niveli e frikës apo sigurisë që ai do të ketë për të
jetuar. Liria për ta analizuar diçka të tillë ekziston te çdo individ,
por mënyra se si ajo matet është shumë personale. Në fakt në
vetvete, të qenit i sigurt nis me një qëndrim personal të individit
që e pohon, dhe përfundon me nivelin e pranueshmërisë së
bashkëbiseduesit të tij, duke marrë të mirëqenë faktin se të dy
kanë të njëjtin koncept, vlerësim dhe interes për sigurinë. Në
këtë kontekst William Blatz, pionieri i “teorisë individuale të
sigurisë” hodhi themelet e të trajtuarit të sigurisë nga pikëpamja
personale që në vitet ’60. Sipas tij, ideja e të pasurit rreth vetes
kërcënime të ndryshme rrit rëndësinë, por edhe perceptimin
* Në analizat tona siguria individuale do të përzgjidhet në mënyrë të
vetëdijshme për t’u përdorur si një koncept më i kufizuar brenda kornizës
më të gjerë konceptuale të sigurisë njerëzore, për të nënkuptuar, sikurse
përmendet në tekst: mbrojtjen e individëve prej dhunës fizike, qoftë ajo
nga vetë shteti apo nga shtete të tjerë, nga individë të dhunshëm dhe/ose
aktorë joshtetërorë, nga abuzimet e ndryshme të brendshme, nga sulmet
politike etj.