You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
ÇËSHTJE TË SIGURISË - 12<br />
119<br />
një kuadri në thelb neorealist: të gjitha dimensionet mbetën si<br />
sektorë të sigurisë kombëtare - pra shtetërore. “Shoqëria” ishte<br />
vetëm një seksion nëpërmjet të cilit mund të kërcënohej shteti.<br />
Për më tepër, ato që shiheshin si primare ishin kërcënimet në<br />
sektorin ushtarak: ndërsa prioritetet që iu dhanë secilit<br />
dimension u varën nga urgjenca e tyre relative. Buzan<br />
argumentoi se siguria ushtarake përbënte ende aspektin më<br />
të shtrenjtë, më të fuqishëm politikisht dhe më të dukshëm të<br />
sjelljes së shtetit (1991a: 35). Për rrjedhojë: “Një shtet dhe një<br />
shoqëri mund të jenë edhe ata të sigurt në dimensionet<br />
politike, ekonomike, sociale dhe mjedisore - megjithatë të gjithë<br />
këto arritje mund të zhbëhen nga dështimi ushtarak” (1991b:<br />
17).<br />
Siguria komunitare (sociale) ndryshe nga komponentët e<br />
tjerë të sigurisë humane, të cilat janë më të prekshme deri<br />
diku edhe materialiste, ka të bëjë në mënyrë të drejtpërdrejtë<br />
me lirinë dhe të drejtat e njeriut (ose të një grupi njerëzish)<br />
për të mbrojtur e zhvilluar identitetin që ata besojnë. Koncepti<br />
i sigurisë komunitare (sociale) 41 fillon të shfaqet vrullshëm në<br />
debatet akademike dhe në qarqet politikëbërëse sidomos pas<br />
Luftës së Ftohtë, kur u largua vëmendja prej kërcënimeve<br />
tradicionale shtetërore duke u interesuar më shumë për<br />
kërcënimet e natyrave të reja, si ato etnonacionaliste për<br />
shembull. Prandaj vlera e shtuar e konceptit të sigurisë komunitare<br />
në studimet e sigurisë konsiston në përcaktimin e vetë shoqërisë si objekt<br />
41 Mjafton të përmendim këtu disa çfarë pohojnë disa nga autorët më të<br />
shquar të fushës: “Në Perëndim dhe në Lindje, në qendër dhe në periferi,<br />
identiteti kulturor dhe siguria sociale janë bërë çështja qendrore e<br />
tendencave dhe konflikteve politike”, Pierre Hassner, “Beyond Nationalism<br />
and Internationalism: Ethnicity and World Order”, 1993, f. 58). Në një<br />
tjetër pasazh Aggestan dhe Hyde-Price pohojnë se: “Me rritjen e gërshetimit<br />
midis sigurisë dhe identitetit, ka lindur një axhendë e re, si për<br />
politikëbërësit që përballen me dilemat dhe pasiguritë e Evropës së<br />
Pasluftës së Ftohtë, ashtu edhe për akademikët që përpiqen t’i japin një<br />
kuptim analitik dhe konceptual këtij kontinenti të ndryshuar... Hulumtimi<br />
i ndërveprimit midis sigurisë dhe identitetit mund të hedhë një dritë të<br />
konsiderueshme mbi dinamikat strukturore dhe prirjet në themel të<br />
politikave bashkëkohore evropiane”, Lisbeth Aggestan and Adrian Hyde-<br />
Price, “<strong>Security</strong> and Identity in Europe, 2000, f. 1.