Create successful ePaper yourself
Turn your PDF publications into a flip-book with our unique Google optimized e-Paper software.
88 INSTITUTI PËR DEMOKRACI DHE NDËRMJETËSIM<br />
komunitete (UNDP 1994: 23). Së treti, ajo nënkupton<br />
garantimin e sigurisë fizike nga dhuna, qoftë kjo e fundit<br />
shtetërore apo e ushtruar nga aktorë joshtetërorë (si dhuna<br />
politike, kriminaliteti, vdekjet nga aksidentet apo madje edhe<br />
dhuna në familje). Raporti vazhdon duke pohuar se garantimi<br />
i sigurisë njerëzore kërkon një qasje të përshkallëzuar dhe të<br />
integruar për t’iu adresuar sigurisë ekonomike, të ushqimit,<br />
shëndetësisë, mjedisit, personale, komunitare dhe politike. Ky<br />
kuptim i sigurisë njerëzore kategorizohet si një prej<br />
përkufizimeve të gjera dhe përbën bazën e ndarjes mbi<br />
kuptimin e sigurisë njerëzore. Ai do të analizohet në seksionin<br />
pasardhës.<br />
Koncepti i sigurisë njerëzore nxjerr në pah faktin se realizmi<br />
shtetocentrik nuk përbën më një argument të mjaftueshëm<br />
sigurie, sepse ai nuk i adresohet në mënyrën e duhur sigurisë<br />
së njerëzve brenda shteteve nga dhuna politike. Siguria<br />
njerëzore, të cilës shpeshherë në analizat akademike i është<br />
referuar si “siguri antropocentrike” ose si “siguri me fytyrë<br />
njerëzore”, fokusohet në lirinë nga frika dhe në lirinë nga<br />
varfëria të qenieve njerëzore 4 , duke iu larguar analizës në nivel<br />
shtetëror e duke u përqendruar në nivelin individual të analizës<br />
në marrëdhëniet ndërkombëtare. Kështu, siguria lidhet tanimë<br />
më shumë me individin sesa me shtetin, duke e konfirmuar<br />
veten si prioritet dhe duke e orientuar analizën akademike drejt<br />
qëmtimeve humanocentrike të sigurisë në epokën e sotme.<br />
Por një artikulim i tillë do të ishte i paplotë nëse nuk do të<br />
përmendim se analiza e sigurisë njerëzore nuk bëhet në kurriz<br />
të sigurisë shtetërore, por si një shtesë përplotësuese e saj.<br />
Siguria njerëzore si fushë studimi brenda marrëdhënieve<br />
ndërkombëtare ka nxjerrë në pah zgjerimin e konceptit të<br />
sigurisë, për të përfshirë brenda tij jo vetëm dimensionet<br />
ndërshtetërore e ndërkombëtare të sigurisë njerëzore, por edhe<br />
ato brendashtetërore. Paralelisht, zhvillimi i konceptit të<br />
sigurisë njerëzore nxjerr në pah edhe qasjen që konstaton<br />
rritjen dhe ndryshimin e kërcënimeve si ndaj njerëzve ashtu<br />
4 Shih Thakur, R dhe Newman, E. (ed.) (2004), “Broadening Asia’s <strong>Security</strong><br />
and Discourse Agenda“, Tokyo: United Nations University Press, f. 347.