Untitled - Azam Abidov - poet and translator

ЯН ВАГНЕР
Ян Вагнер 1971 йил Гамбургда туғилган. У инглиз тили ва
адабиёти йўналиши бўйича таҳсил олган. Ҳозирги кунда Ҳамбург,
Дублин ва Берлинда эркин ижодкор, инглиз тилида сўзлашувчи
мамлакатлар шеърияти таржимони ҳамда эркин тақризчи сифатида
яшаб, ижод қилиб келмоқда. “Самодаги туйнук тамғаси” (2001),
“Гюрик чумчуғи”(2004), “18 дона паштет” (2007), “Австралия”
(2010), Жеймс Тейт асарларидан таржималар тўплами (“Уйга
элтувчи чалкаш йўл”, 2004) ва Мэтью Свини ижодидан таржималар
(“Малҳам сут”, 2008) каби китоблари чоп этилган. Бёрн Кулиг билан
ҳаммуаллифликда замонавий шеърият антологиясини нашр этган.
Ян Вагнер шеърият йўналишидаги Мондзеер адабий мукофоти,
Анна-Зегерс мукофоти, Эрнст Майстер мукофоти ҳамда Вильҳельм
Лееманн мукофотини қўлга киритган.
Ботқоқ зубрлари
Кўлнинг буқаларин кўрмадим юзин,
Уларнинг фарқи йўқ қамиш поядан.
Кўркам инларига тушмади кўзим,
Лойи қорилгандай нур ва соядан.
Бу жонлар қачондир ажраб подадан
Девор оша бузиб туннинг тинчини
Кетган-у, ботқоқда адашиб қолган,
Ўкирган, билмасдан миллар кечини.
Охир-оқибат лек қўрқоқлик қилиб,
Лойга ўхшаб олган бариси бирдай
Алдамчи тупроқнинг қаърига сингиб
Кетишган улкан ва соқов пуфакдай.
Улар-ку кетишди инларин ташлаб
Ботқоқ бўйларига жуда ярашар,
Зулматни тингласак жунжикиб, бунда
Биз билган, билмаган зубрлар яшар.
129