Untitled - Azam Abidov - poet and translator

МИХАИЛ АВГУСТИН
Михаил Августин 1953 йилда Любекда туғилган. Ҳозирда у
Бременда ёзувчи ва радио муҳаррири лавозимида фаолият юритиб
келмоқда. У Айова университети ёзувчилар Кенгаши фахрий аъзоси
ҳамда Фридриҳ Ҳеббел ва Курт Магнус мукофотлари соҳиби. Унинг
асарлари инглиз, ирланд, испан, италян, грек ва поляк тилларига
таржима қилинган. Германияда адибнинг кейинги йиллардаги ижод
намуналаридан шеърий ва кичик насрий тўплами - “Кулдонгина
сувга қалқийди - энг сара ва янгилари” ҳамда “Ўғирланган зиё –
учликлар” китоблари чоп этилган Унинг “Августин миниатюралари”
деб номланган бадиий миниатюраси суратга олинган.
Олисларда
Она табиат бағридаман. Жиққа ҳўлдир пойафзал. Какку қуши
куйин тинглашга ундайди. “Как-ку”, - дея таъкидлайди у, - “Как-ку!”
Ўз номини айта олар нодир қуш бу, ўйга толаман, ҳа худди шу, иқрор
бўлгим келмас сира янглиш хаёлга. “Зағизғон!”, - дея чинқирарлар
бунда, такрор “Зағизғон!”. Тўхтатмас қўшиғин у сира шу он.
“Тўрғай, тўрғай, сўфитўрғайжон!” келар овоз кўкдан чириллаб.
“Қораялоқ, қораялоқ қуш!” тушар ёдга унинг саси ҳам. “Чумчуқ,
чумчуқ, чумчуқ, эй, сен сайроқи чумчуқ!” чирқиллайди у ҳам
бутазорлардан. “Узунбурун балиқчи қуш, узунбурун қуш!” Етар,
қулоқларимни маҳкам ёпаман шу он, қулоқ солмоқ бўламан фақат
ўз туғёнларимга, унда-чи какку қуш бир зум ҳам тинмайин солар
нолишин яна қайта менинг ёдимга.
Банди шоир…
Тақдир тузоғига илинган ожиз бир шоир,
Темир қафас зиндонга маҳкум этилиб, қилинди шунга мойил.
Ҳафта кетидан ҳафта ўтди, асирликда эди у ўша чоғ,
Боқди поёнсиз далалар узра қайтаётган ҳур қушлар кўкка
солганида арғимчоқ.
Кун келиб,ойлар ўтиб кўрганларида унинг қафасин эшигин очиб,
Кетди унинг ҳам руҳи гўё қушлар томон кўкларни қучиб.
131