Untitled - Azam Abidov - poet and translator
Untitled - Azam Abidov - poet and translator
Untitled - Azam Abidov - poet and translator
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
ЙЕЛЬ ГЛОБЕРМАН<br />
Йель Глоберман Тель-Авивда таваллуд топган ва ўша ерда<br />
билим олган, унинг ота-онаси оммавий қирғин пайтида Польшадан<br />
Исроилга кўчиб келишган. Шоиранинг “Оғоч тебранганда” романи<br />
ва қатор ҳикоялари эл орасида машҳур. “Алиби” номли илк шеърий<br />
тўплами 2000 йилда нашр этилган бўлиб, ушбу тўплам учун у<br />
“ACUM” ва “PAIS” мукофотларига сазовор бўлган. Янги шеърий<br />
китоби “Яна ўша дарё” ҳам китобхонлар томонидан илиқ кутиб<br />
олинди. 2008 йилда у АҚШ ҳукуматининг Фулбрайт стипендиясини<br />
қўлга кириртган. Шеърлари 11 та тилга ўгирилган ва Исроилда<br />
босиладиган адабий журналлар, халқаро антологияларга киритилган.<br />
Глоберман таржима соҳасида ҳам фаол бўлиб, Стефан Спендернинг<br />
танланган асарларини инглиз тилидан таржима қилган, ҳозирда В.<br />
Х. Ауден шеърлари устида ишламоқда. Айни пайтда Глоберман<br />
шеърий асарлар чоп этиладиган «Геликон» журнали таҳририятида<br />
ишламоқда ҳамда Ораним коллежи ва Ҳаифа Университетида<br />
бадиий ижод сирларидан ёшларга сабоқ бериб келмоқда.<br />
Кайфу сафо<br />
Шаҳарнинг устидан<br />
кенг қулоч мисоли<br />
бамайлихотир учаётган<br />
қушлар галасида ўрнин йўқотиб<br />
пастга шўнғиётган қушдирман<br />
Ҳароратга тўлиқ чеҳрадай,<br />
лаҳза ўтмай қучар осмонни –<br />
тобора кичрайиб борар ўртада<br />
бош айланар масофа,<br />
кўздан ғойиб бўлади гала<br />
қуш ҳавода кезар мастона<br />
самони ҳўплайди оз-моздан<br />
парвоз ўртасида чекинган<br />
ўша нўноқ қушман беодоб<br />
қушлар ҳаётидан сўзловчи<br />
ҳикоя ёзишни кўзларкан<br />
думимдан битта пат оламан юлиб<br />
83