Untitled - Azam Abidov - poet and translator

ИЛЬЯ КАМИНСКИЙ
Илья Каминский 1977 йилда Одессада туғилган. 1993 йилда
у оиласи билан Америка Қўшма Штатларига кўчиб келади.
Илья Жоржтаун Университетида таҳсил олган. У “Шеърият”
журналининг “Рут Лили” стипендияси соҳиби, шунингдек,
адабиёт соҳасидаги қатор бошқа мукофотларга сазовор бўлган.
Унинг “Одессада рақс тушиб” шеърий тўплами Тупело Пресс
Дорсет мукофотига лойиқ кўрилган. Илья Каминсий шеърлари
ўзбек тилига ҳам таржима қилиниб, нашр этилган.
Бағишлов
(«Сен Ялтадан Одессага кетаётган кемада вафот этасан»
фолбиннинг сўзи – 1992 йил)
Мени ерга боғлаган нима? Массачусетсда,
Қушлар мен томонга талпинар нуқул –
Дарё такрорлайди ўзини, такрорлар қайта.
Ялтадан Одессага кетаётган кемани
ундаги ҳар йўловчи ва бор матоҳин,
унинг ичидаги осмонни шарафлайман,
само менга дори, само – Ватаним.
Балиқчи қушларнинг мамлакатига,
улар тартибининг баҳсига шараф.
Устозим – шамол
терак ва қалдирғочларни айлайди хушбахт, -
бир аёлнинг қошу лабини,
ундаги шўрликни, елкасининг юмалоқлигин
шарафлайман мен. Унинг юзи - фонус
соясида кечади умрим.
Худо, бизни топишинг мумкин,
у – кўзини юмиб ўйнаётган аёл
мен – у билан талашган эркак
жавон, хон ва ўриндиқ аро.
Худо, бизга берақолгин, аллақачон берган нарсангни.
69