pedalangan jilid 2

354
nyuwun pamit saha nyuwun tambahing pangestu.
92. Jalawalikrama : Aja kaya bocah, tak pangestoni sing ngati-ati
Patih Bramangkara.
93. Bramangkara : Sendika, mangestokaken dhawuh sinuwun.
Gangsa mungel Ayak Kempul Kerep laras Slendro pathet Wolu. Patih
Bramangkara kabedhol atur sembah nuli lumampah mangiwa.
Prabu Jalawalikrama kabedhol kaentas manginggil (mabur) lumampah
manengen. Sigeg kayon, tanda gantos papan, madyaning alunalun
Purwacarita. Patih Mangkupraja medal saking tengen kanthi asta
walangkerik, papagan lan patih Bramangkara saking kiwa kanthi
tangan walangkerik, ringgit sami tancep ing siti inggil tengen lan kiwa,
patih Bramangkara nuli capeng. Mujeni lan Mundu medal saking
kiwa nuli tancep paseban kiwa katata sak wingkingipun patih Bramangkara.
Gendhing suwuk kalajengaken bendhengan.
Bendhengan
. . . . . . . . . . . . . .
2 2 2 2 2 2 2 2 2 6 1 2 2 2 6 16 6
Yana indrajit mara gelis, Pramudhita rimbagana
. . . . . . . . .
1 2 2 2 21 1 1 1 5 5 5 5 5 5 5 5 2 32 2
Nitih kreta manik maya, Ngayatana jemparing trimargana
2 3 5 5 5 5 1 65 5 1
Sigra lumepasing jemparing, O
Ginem.
94. Bramangkara : Lha dalah, ora pangling aku, yen ta iki Patih
Purwacarita Rekyana Patih Mangkupraja.
95. Bramangkara : Ya…. sliramu ora pangling karo aku. Kosok
baline aku ya ora lali karo sliramu natkala sliramu
sowan ana ngarsane bendaraku Prabu Sumalidewa.
Sliramu iki rak Patih Bramangkara.?
96. Bramangkara : Bener, bener apa kang dadi kandhamu.
97. Mangkupraja : Bramangkara ana paran.
98. Bramangkara : Ora ngonone. Sliramu anjog saka paseban
mrepegi aku sajak ana wigati.
99. Mangkupraja : Ngembun dhawuhe bendaraku Prabu Sumalidewa.
Nadyan dikaya ngapa bendaraku Dewi
Sumaliwati ora bakal kersa yen ta kagarwa dening
Prabu Jalawalikrama. Sapisan isih durung