pedalangan jilid 2

373
Alang-alang. Ing kono ana kayu Tinggalmanik, pange pucuk teles
bongkot garing den pencoki Manyura lan manyuri. Manyura manuk
lanang manyuri manuk wadon. Padha andon tresna wonten ing
ndhuwuring pang. Pang dienciki pucuk membat bongkot, dienciki
bongkot membat pucuk, dienciki tengah jeploke pang nibani bala
reksasa saka Negara Sungela Manik. Watak bala buta, ketiban kayon
Tunggal manik sakala gero-gero swarane. Ana godhong sinaut.
Godhong tiba kaguwel-guwel solah bawane reksasa yen ta lagi kelaran,
sajak andhig dukanira tandha sasmita yen ana bebaya.
Gangsa mungel Ayak Kempul Kerep laras Slendro pathet Wolu , kayon
geter katancepaken paseban tengen. Raseksa kawedalaken saking
kiwa lumampah beksa katutup kayon kiwa (kaentha medal saking
alas) sawetawis gegiro kaentas manengen. Kayon tancep paseban
kiwa. Berjanggapati saking tengen papagan kaliyan bala raseksa
saking kiwa, ringgit sami tancep ing siti inggil kiwa lan tengen. Semar
lan Bagong medal saking tengen nuli tancep paseban tengen
sak wingkingipun Berjanggapati. Gendhing suwuk nuli bendhengan.
Bendhengan
. . . . . . . . . . . .
2 2 2 2 2 2 2 2 6 1 2-1616 6 6 6
Yana prajengga-prajenggi, genthanya marongos
. . . . . . . . . . . . . .
2 2 2 2 2 2 2 21 1 1 1 1 1
Gero-gero swaranya kadya banaspati
5 5 5 5 5 5 5 2 32 2 2 2
Sira metua saka guwa per jagalan
6 6 6 6 6 6 65 5 5 5 1 5
yana kalung usus deleweran, o . . a . .
Ginem.
260. Renggutmuka : Mandheg-mandheg satriyoooa mandheg. Ana
satriya bagus lagak lagon lageyane kaya sifate
temanten anyar. Sapa jeneng ngendi omah ha
. . .satriyooa . . . sapa jeneng ngendi omah . . .
oh, ho ho ditakoni ora enggal mangsuli kaya
dene wedi kelangan mut-mutanmu inten. Ora
enggal ngucap apa njaluk dadi mangsane para
bala reksasa, satriyoooooooaa . . . .