pedalangan jilid 2

405
566. Narada : Waa…., bapa, bapa, ingkang luwih utama
apa ngger Kalakirna.
567. Kalakirna : Kula punika kepingin gadhah bojo widadari
pukulun.
568. Narada : Lo…, lo.. iki kaya ngapa wong kaya ngene
wandane kok arep nyuwun omah-omah karo
widadari, ingkang kita karepna sapa.
569. Kalakirna : Inggih punika Sri Widawati…
570. Narada : Woo…., mumpung durung balia, balia... Malah
murang tata titah iki. Sri Widawati iku
garwane Bathara Wisnu, ora kena !!. Ing atase
titah kok ngarepna widadari. Kudu bali…
571. Kalakirna : Mboten pukulun, yen mboten dipun keparengaken
nggih kula peksa, pun kula niyati, kula
tekati, matiya kula niki malah nglenggana,
damel napa urip nggih mung ngeten mawon.
572. Narada : Waah, ora kena dieman. Brama….
573. Brama : Wonten dhawuh.
574. Narada : Mangsa borong ngger…
Batara Narada ninggalaken Batara Brama lan Kalakirna sinaretan
bendhengan. Batara Brama kabedhol nuli tancep siti inggil tengen
asta walangkerik wani. Sak telase bedhengan nuli ginem.
Bendhengan
. . . . . . . . . . . . .
3 3 3 3 3 3 3 3 3 3 35 2
Yana mrebabak abang, ponang wadana
. . . . . . . . .
6 6 6 6 6 3 53 3 1 2 3 1 21 1 1 1
Netra kocak ngondar-an dir, Idepnya mangala cakra
Ginem.
575. Brama : Titah murang tata. Ora enggal sumingkir saka
Repatkepanasan bali marang Nayomercapada,
ora wurung bakal lebur kuwandamu,
ulun banjut marang Endhut Maniloka.
576. Kalakirna : Tak jabel basaku…., wis nekat kok masiya
dipenggak dewa oleh gak oleh tak jaluk Si-
Sri…, rabi elek ngingoni, rabi ayu ngingoni,
enak rabi ayu pisan, ayo… Sri Widowati
athik gak kok ulungna ngko athik gak tak
iwa-iwa dewa iki.