pedalangan jilid 2

371
241. Semar : Ah… ampun athik repot-repot ta den, kula niki
mboten kathik ngoten-ngoten niku. Suka rila
legawa awit ndara niki momongan kula ngaten…..
nek mboten kula, siiinten den ingkang
badhe ngaturi panglejare penggalih.
242. Berjanggapati : Ora…….. ora akeh kok semar.
243. Semar : Ah….. mpun kathik ngoten-ngoten ta den. . .
244. Bagong : Ma, koen iku…… gemremet tanganmu iki, gak
gelem tak wakili…
245. Semar : Menenga ta goblog… !! arek kok, cek-e pantes
ketoke gak arep tapi arep ngono lho, bodho…
enggih, mboten den dipun asta kemawon.
246. Berjanggapati : Suka rila legawa aku paring bebungah marang
kakang semar, enyoh…
247. Semar : Pinten…..
248. Berjanggapati : Satus ewu…
249. Semar : Kirangan lek ngoten...nggih matur nuwun, eetak
rewangi ngono ae satus ewu nak, mulane
kabisan iku lek diudi rejeki le….
250. Bagong : O… dadine ma…
251. Semar : Iya nak… mulane anakmu kok sekolahna saiki,
asile yo’opo…. piiinter le, nembang pinter, nari
yo pinter . .
252. Besut : Wak...ancene bapak iku anu makdhe...bapak
iku kuna samukawis, dadine kula kawit alit dipun
sekolahaken linambaran pangertosan, kula
punika wah sampun mumpuni sanget.
253. Semar : O…. sokur nak, sokur duwe putu pinter
Lajeng gantosan Besut ingkang nembang, kaparingan arta kaliyan
sang bendara. Bagong lajeng ugi tumut nembang, nyuwun arta sampun
telas, kalajengaken ginem.
Ginem.
254. Berjanggapati : Wa semar, yektine anggonku oncat saka Durjanapura
ora ana kang dak ulati amung kakang
Kuswa. Kakang Kuswa iki menyang endi Semar,
kok ya tegel tanpa pamit karo adhine.
Mula dina iki ayo diupadi. Ora bakal bali marang
Durjanapura lamun durung ketemu kakang
Kuswa.
255. Semar : Ee…. ndara, nyata-nyata luhur budine. Kang
raka niku benten kaliyan ndika lho gus, kang
raka punika kok inggih tebih kaliyan ndara.