pedalangan jilid 2

401
ngen. Penyakit kok tumplek blek neng awakku
ki ya’ apa iki.
540. Kumbakinumba : Lho lek wis ngono iku trimoen ae, wong peparinge
dewa.
541. Kalakirna : Lha iyo, lek dewa sing nakdirna aku kaya
ngene iki aku gak trima. Aku njaluk adile
dewa, bapak……
542. Kumbakinumba : Lho…. Njaluk adile dewa sing kaya ngapa..
543. Kalakirna : Lha dewa iki ngripta aku lantaran bapak lan
biyung kok dadi kaya mangkene iki. Mangka
dulur-dulurku gagah-gagah, prakosa, lha kok
aku ndadak wis cilik dhewe…. kathik penyakit
kok cik krasane neng awakku iki. Bapak…,
lilanana aku tak njaluk adile dewa
munggah neng Kahyangan.
544. Kumbakinumba : Lho…, aja lancang ngger…, Suralaya iku
mawa teges Sura; wani Laya: pati. Sok sapa-a
makluk ing ngarcapada kang wani
munggah marang Suralaya yen ora oleh palilahe
dewa bakal ngalamat dina naraka pati.
545. Kalakirna : Wis mesisan mati tinimbang urip kaya ngene.
Ya bapak, idenana ya bapak, ucapmu
sepisan “tak ideni lee” lak ngono-a. Wah….,
bakal amimbuhi kayuwanane anakmu Kalakirna,
bapak …
546. Kumbakinumba : Yoh ta Kalakirna, yen ta adreng panyuwunmu
ngger, wong tuwa ora bisa apa-apa
amung bisa njurung pamuji muga iso kasembadan
karepmu, muga enggal ilang penyakitmu,
gegayuhanmu kang utama bisa enggal
kasembadan ya Kalakirna..
547. Kalakirna : Aku njaluk pamit ya bapak…
548. Kumbakinumba : Oo…., iya ngger sing ngati-ati Kalakirna….
Gangsa mungel Ayak Kempul Kerep laras Slendro pathet Sanga.
Kalakirna kabedhol lumampah mangiwa. Begawan Kumbakinumba
kabedhol lumampah manengen. Kayon kalampahaken, gendhing suwuk
lajeng pocapan kairing gadhingan.
Pocapan
Saka giliging tekat gedhene niyat Kalakirna kepingin enggal waluya
ragane kang kebak penyakit. Mangka sedyane Kalakirna kejawi
ndang ilanga memala kang mapan ana ragane yektine ana kang den
ulati inggih punika panjalmane Bethari Mindarada ingkang duk natka-