pedalangan jilid 2

376
Ginem.
295. Berjanggapati : Aku kok mbok undurna semar. . ..
296. Semar : Ee…mboten mundur wedi, mboten mundur kalah
gus, ning ngalah sawetawis. Ngalah kangge
nggayuh kamenangan ndara.
297. Berjanggapati : Kok ngono.
298. Semar : Inggih, mboten cukup namung dipun doli sarana
atosing balung kandele kulit kencenge otot,
e . . niki buta sapirang-pirang ndara, nggih mila
nyukupana yen mboten ngangge piranti gus.
299. Berjanggapati : Lha piratine apa.
300. Semar : Ngasta pusaka.
301. Berjanggapati : Kebeneran wa semar, kok ora nggawa pusaka.
Cilike duwung gedhene warastra.
302. Semar : Wah. . . lha niki cilaka gus lek mboten ngasta
pusaka .Goong.
303. Bagong : Apa ma . . (swanten saking njawi kelir).
304. Semar : Ngethoka pring apus naak . . .
305. Bagong : Apa ma ??
306. Semar : Pring apus lee . .
307. Bagong : Gawe apa ma.
308. Semar : Wis menenga ae tah !! kethokna kono, engko
lak eruh dhewe-a.
309. Bagong : Oo . . yoh, kangggo apa se, ma.
310. Semar : Kanggo piandel nak . . ..
311. Bagong : Pring apus sak dhapur apa situk ngono ae ma.
312. Semar : Ameka situk naak, sigaren dadi loro, nek wis
dadi loro sigaren maneh prapaten le..
313. Bagong : Oo...ya ya, ha . . iki ma, iki wis tak prapat karepmu
kaya ngapa.
314. Semar : Iki minangka pusakane bendaramu le, nadyan
pring apus ibarate, nek aku sing muni iki pusaka,
ya pusaka. Elinga semar iku sapa.
315. Bagong : Dewa manjalma.
316. Semar : Tegese.
317. Bagong : Dewa kamanungsan.
318. Semar : Ha iya nak. Elek-elek wong aku iki dewa kamanungsan
Sang Hyang Puguh kok, lek ora
bisa mageri bendaraku, kanggo apa aku ndherekna
dohe Negara Durjanapura nganti tekan
kene.
319. Bagong : Oo . . ya, ya ma
Bagong medal saking kiwa sinambi mbeta panah, kaaturaken Berjanggapati,
Bbagong tancep paseban kiwa sak wingkingipun Semar.