pedalangan jilid 2

404
557. Brama : Menawi mekaten ingkang dados dhawuhipun
kanjeng wa pukulun, ingkang putra namung
ndherek keparengipun kanjeng wa Narada.
558. Narada : Wadyabala Durandara sithik-akeh padha
ngawat-awatana saka dirgantara, cukup pun
wa karo jeneng kita kang nitipriksa kang ana
Repatkepanasan.
559. Brama : Suwawi kula dherekaken kanjeng wa…
Gangsa mungel Ayak Kempul Kerep laras Slendro pathet Sanga.
Batara Narada lan Batara Brama bidhal lumampah mangiwa. Narada
lan. Brama papagan lan Kalakirna. Batara Narada tancep siti inggil
tengen, Kalakirna atur sembah, nuli tancep paseban kiwa, lan Batara
Brama medal saking tengen nuli tanceb paseban tengen. Gendhing
suwuk lajeng ginem.
Ginem.
560. Narada : Bapa, bapa, Brama…., ha iki apa kang ndadekna
kocaking Kahyangan, gonjang-ganjinge
Suralaya. Aa…., alon dhisik ngger titah
ulun, jeneng kita iki titah lumrah kok bisa
mengkang klawan Selamatangkep mapan
ana Repatkepanasan. Jeneng kita iki sapa
ngger….
561. Kalakirna : Inggih pukulun kula ingkang sowan, kula pun
Kalakirna.
562. Narada : Kalakirna….
563. Kalakirna : Ingih pukulun, sembah kula katur pukulun.
564. Narada : Ha…, ulun tampa ngger Kalakirna. Rembug
cukup, karep kita apa kok ndadak cumanthaka
wani munggah marang Selamatangkep
tanpa nganggo palilah ulun.
565. Kalakirna : Inggih pukulun, yektosipun kula niki sepisan,
penjenengan pukulun sampun pirsa yen kula
menika dospundi nggih…, menungsa ingkang
tanpa rasa jalma nggih kula niki, kebak
penyakit, bekonyoken, nggih korengen,
nggih udunen mboten karu-karuan… niki yo’
napa pukulun wong asale saking dewa niku,
dewa ingkang nyipta kula, ingkang ngripta
kula, lha sakniki kula nyuwun waluya, niku
kang sapisan pukulun. Angka kaping kalih
wonten ingkang kula kajengaken ingkang
langkung dene utami pukulun.