pedalangan jilid 2

390
1 2 3 3 3 3 1 21 1
Mangli-wer-an mangendha ge lap
Ginem.
444. Kuswanalendra : Berjanggapati.
445. Berjanggapati : Wonten dhawuh kangmas.
446. Kuswanalendra : Jalawalikrama ana ngendi.
447. Berjanggapati : Kala wau sampun saget kula pikut.
448. Kuswanalendra : Oo....sokur dhi....sokur. Wis mbok pikut banjur...
449. Berjanggapati : Kula icak walikatipun mboten saget ebah.
Badhe kula tamani duwung kangmas…. Kula
dipun jongkrokaken lajeng piyambakipun
mlesat wonten dirgantara.
450. Kuswanalendra : Saiki….
451. Berjanggapati : Duka kangmas, wong ngambah gegana sirna
saking madyane palagan perang.
452. Kuswanalendra : Kok cik bodhomu, wong kari ngethok gulune
gok gak enthos iku lho.. wong kari ngethok
gulune, Jalawalikrama wis ora isa budi, wong
kari mateni kok gak isa. Kok cik bodhone.
Kaya ngapa ngene iki, lak ya isin aku ora isa
nggawe patine Jalawalirama.
453. Semar : Ngeten lho guus, wong pancene mpun mboten
saget, lek ngoten Sumaliwati niku sanes
jodhomu ndika ngoten...sak nik mangga nilaraken
Purwacarita, sanjange ndara badhe
ngulandara, ha… mangga.
454. Kuswanalendra : Ora..!! aku bakal ngakoni yen wis bisa mateni
Jalawalikrama. Aku tak sowan ana ngersane
Prabu Sumalidewa. Nyatane Jalawalikrama
wis gak ana, saora-orane wis wedi karo
adhiku Berjanggapati. Wis gak apa-apa
tak uripi sliramu. Awit ala-a sliramu wis bisa
ngalahna Prabu Jalawalikrama, bombong rasaku
yayi. Perkara iki mengko, nadyan aku
ora bisa mateni Jalawalikrama aku ngakungaku
isa mateni lak ya uuwis-a…
455. Semar : Oo.. goroh niku mboten sae den…, heee …
mboten watake putra Durjanapura
456. Kuswanalendra : Wis menenga… menenga !!!!
457. Bagong : Menenga ma…. menenga ma, jarna ae wis.
Koen iku nglarang aku jarna ae malah ngecuwis
ae koen iku…..