pedalangan jilid 2
pedalangan jilid 2
pedalangan jilid 2
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
343<br />
ana kang nggadhingi, ana kang ngamping, ora<br />
liya garwa.<br />
24. Mangkupraja : Inggih.<br />
25. Sumalidewa : Kamangka Sumaliwati isih mbujang.<br />
26. Mangkupraja : Inggih, nanging sinuwun kepareng matur.<br />
27. Sumalidewa : Apa yayi patih.<br />
28. Mangkupraja : Kula aturi enget duk rikala sacandra kepengker,<br />
gusti kula Prabu Sumalidewa nampi utusan<br />
saking Negari Sunggela Manik, Rekyana<br />
Patih Bramangkara minangka dhutanipun Yaksendra<br />
Sunggela Manik Sang Prabu Jalawalikrama<br />
kinen ngaturaken nawala dhateng gusti<br />
kula Prabu Sumalidewa. Wosing nawala nyebataken<br />
bilih Prabu Jalawalikrama badhe methik<br />
sekaring kedhaton Negari Purwacarita,<br />
mboten sanes gusti kula Kusumaning Ayu Dewi<br />
Sumaliwati. Punika malah kaleresan.<br />
29. Sumalidewa : Yayi patih…..<br />
30. Mangkupraja : Dhawuh dalem sinuwun<br />
31. Sumalidewa : Sliramu rak ya weruh dhewe, sasade katolak<br />
apa kang dadi kersane Wong Agung ing Sunggela<br />
Manik sang Prabu Jala Walikrama kang<br />
ngersakna bendaramu Dewi Sumaliwati. Awit<br />
Sumaliwati kaya-kaya kok isih durung bisa<br />
nampa ana priyayi kakung kang nyandhing,<br />
durung isa nampa yen ta kapundhut garwa<br />
sok-a sapa ae, isih seneng mbujang. Mangka<br />
kekudanganingsun yayi patih, yen wis Sumaliwati<br />
kawengku dening priya, saiki uga panjenenganingsun<br />
bakal lengser keprabon, ora liya<br />
ya bendaramu Sumaliwati ing ngarep wis karembug<br />
gumanti keprabon, gumanti jumeneng<br />
nalendra. Ning Sumaliwati ora gelem, malah tinampik<br />
lamaran saka Negara Sunggela Manik<br />
utusane Jalawalikrama. Ya iki yayi patih ingkang<br />
ndadekna jibeging tyas ingsun.<br />
32. Mangkupraja : Inggih kenging punapa sinuwun, gusti kula<br />
Sang Prabu Sumalidewa kok kagungan raos<br />
ewet anggenipun nampik lamaran saking Negari<br />
Sunggela Manik.<br />
33. Sumalidewa : Wruhanana yayi patih, iya yen tinolak lamarane<br />
Yaksendra Jalawalikrama bisa nampa, bisa<br />
nrima. Ning kosok baline, wong jenenge nalendra<br />
ing Sunggela Manik iku nalendra kang<br />
hannderbala tegese sugih bala, Negara Sunggela<br />
Manik iku negara kang agung, negara
Change language