pedalangan jilid 2

362
166. Mujeni : Sampun kula aturaken ing ngajeng punika wau
ingkang mrawasa wrangka Negari Purwacarita
Patih Mangkupraja.
167. Jalawalikrama : Dudu Prabu Sumalidewa.
168. Mujeni : Sanes nun.
169. Jalawalikrama : Yoh…. Mundura kik, undurna bendaramu Patih
Bramangkara ana sak njabane palagan. Jalawalikrama
dhewe kang bakal magut ing palagan,
tak ukure sepira kadigdayane wadya bala
Purwacarita.
170. Mujeni : Nun ingkang ngatos-atos sinuwun
Gangsa mungel Ayak Kempul Kerep laras Slendro pahet Wolu. Jalawalikrama
kabedhol lumampah manengen majeng palagan. Patih
Bramangkara kaentas lumampah mangiwa kaderekaken Mujeni lan
Mindu. Jalawalikrama kawedalaken saking kiwa papagan lan patih
Mangkupraja saking tengen. Ringgit sami tancep ing siti inggil kanti
asta walangkerik tanda wani. Gendhing suwuk lajeng bendhengan
nuli ginem.
Bendhengan
. . . . . . . . . . . . . . . . .
2 2 2 2 2 2 2 2 2 2 2 2 6 1 3 2 2 6 16 6
Yana andhik dukane sang rajapati, Ranangga-na mangsa sa-ran
. . . . . . . . . .
1 2 2 2 2 21 1 1 1 5 5 5 5 5 5 35 32 2 2
Mangliweran mangendha gelap, pra prajurit wus ma-gut ing la ga
6 6 6 6 6 6 6 6 65 5 5 5
yana pra pra-jurit wus magut ing laga
Ginem.
171. Jalawalikrama : Estungkara manik jagad raja dewaku, we lha
dalah. Patih Mangkupraja.
172. Mangkupraja : Nuwun sewu tak jabel basaku, Prabu Jalawalikrama
ana paran.
173. Jalawalikrama : Nggege pati bosen urip wani mrawasa abdiku
Patih Bramangkara. Sasat ngilani dhadhane
Jalawalikrama, sasat nyebit talingane Jalawalikrama.
Yen ora enggal minggat saka ngarepe
Prabu Jalawalikrama klakon tugel gulumu.
174. Mangkupraja : Ora enggal sumingkir saka Negara Purwacarita
dadi Bathang kwandamu.