pedalangan jilid 2

364
Gangsa mungel Ayak Kempul Kerep Laras Slendro Pathet Wolu. Sumalintana
kabedhol kumampah kangiwa, Mangkupraja kaentas manengen.
Sumalintana medal saking tengen kapapag Jalawalikrama
saking kiwa, Ringgit sami tancep ing siti inggil kiwa lan tengen. Gendhing
suwuk lajeng ginem.
Ginem.
183. Jalawalikrama : We lha dalah iki ana satriya bagus, nitik lagak
lageyane ora pantes yen ta punggawa utawa
wadya Purwacarita. He raden, sejatine sliramu
iki sapa.. ?
184. Sumalintana : Prabu Jalawalikrama, tambuh klawan aku, putra
Purwacarita atmajane kanjeng rama Prabu
Sumalidewa, Raden Sumalintana kekasihku.
185. Jalawalikrama : Raden Sumalintana anak ratu Purwacarita.
Apane Sumaliwati iki.
186. Sumalintana : Aku adhine kakang mbok Sumaliwati.
187. Jalawalikrama : We lha dalah…., adhiku ipe sliramu, aku calon
kakangmu. Mbakyumu rum-rumen supaya gelem
dak boyong marang Sunggela Manik.
188. Sumalintana : Gelema kakang mbok Sumaliwati, aku kang
suthik nyawang sliramu. awit apa Sliramu iki
nalendra leletheking jagat.
189. Jalawalikrama : Elllho…. Karepmu apa ?
190. Sumalintana : Ora enggal minggat saka Negara Purwacarita
klakon tak tugel gulumu.
191. Jalawalikrama : We…. lha dalah, ora kena dijak pripean iki. Sumalintana,
ora kok ulungne Dewi Sumaliwati
klakon tak gawe sungsang bawana balik Praja
Purwacarita.
192. Sumalintana : Mati dening aku
Gangsa mungel Ayak Kempul Kerep laras Slendro pathet Wolu.
Ringgit sami perang, Jalawalikrama kasoran, kawedalaken saking tengen
kaentha dawah, tancep paseban tengah ringgit mengkurep marep
mangiwa. Gendhing suwuk lajeng bendhengan.
Bendhengan
. . . . . . . . . . . . . . . .
3 5 5 5 5 2 32 2 3 21 1 1 1 1
Yana peteng paningalnya. O balawur-lawur
. . . . . . . . . . . . .
2 3 3 3 32 2 2 2 1 12 1 5 65 5 5 5