pedalangan jilid 2

395
pateni temen apa isih urip…. Lho lha kok ora
matur, kok ora ngucap, Kuswa !!!
495. Kuswanalendra : Inggih paman yektosipun duka pejah duka
gesang, nalika badhe kula pejahi mabur
wonten ing dirgantara.
496. Sumalidewa : We lha dalah, dewa… dewa, ndadak turune
Bethara Rama kok kaya ngene, esuk dele
sore tempe ucapmu lelamisan. Aku iki ratu
Kuswa,.......sinuyudan dening para kawula,
para wadya balaku, ndadak kok sepelekna.
Nyatane Jalawalikrama isih urip..........ora
pantes dadi putune Bethara Rama. Ora ndadak
kesuwen malah sepet mripatku, yen ta
ora bisa nemokna anakku Sumaliwati tak
wadulna wong tuwamu, pidana apa kang bakal
kok tampa. Minggata saka ngarepku…..
497. Kuswanalendra : Waduh….. mati aku..
Gangsa mungel Ayak Kempul Kerep laras Slendro pathet Sanga.
Kuswa katundhung daya daya lumajar, Kuswa kabedhol lumampah
mangiwa. Gendhing suwuk lajeng ginem.
Ginem.
498. Sumalidewa : Ana apa Berjanggapati ?
499. Berjanggapati : Paman prabu, sampun kakang Kuswa ingkang
kadukanan, kula mawon ingkang sagah
dados gantosipun, paman prabu, kula ingkang
sagah madosi kakang mbok Sumaliwati
500. Sumalidewa : Oo.. lha dalah. Iki pantes dadi putra wayah
Bethara Rama. Ya.. rada kasar ya ngger
keng paman iki mau, sapa ora enggal nepsu,
wong jare wis mati kok malah nyidra anakku
Si Sumaliwati.
501. Berjanggapati : Kula sagah, mangsulaken kakangmbok Sumaliwati
wonten ngarsanipun paman prabu.
502. Sumalidewa : Yen kaya mangkono aja ndadak kedaluwarsa
dak ranti ana ing Purwacarita ya ngger.
503. Berjanggapati : Nyuwun tambahing pangestu paman.
504. Sumalidewa : Yo, tak pengestoni aja kaya bocah, kebaka
ing rasa pengati-ati Berjangapati.
Gangsa mungel Ayak Kempul Kerep laras Slendro pathet Sanga,
ringgit bedholan. Berjanggapati kabedhol atur sembah kaentas ma-