pedalangan jilid 2

416
674. Kalakirna : Lek koen menang karo aku buncimu apa le..
Gangsa mungel Alap-alapan Slendro pathet Serang. Ringgit sami
perang. Sumaliwati kalampahaken menengen. Kuswanalendra perang
sawetawis nanging kawon. Kuswa kasawataken mangiwa, resaseputra
hanututi. Kuswa kumleyang mangiwa. Gendhing suwuk lajeng
pocapan
Pocapan
Kaprawasa Putra Durjanapura Raden Kuswanalendra. Dhawah sapembalang
arsa magut ing payudan malih katampi Reksa Saputra.
Den petak kaya gegodhongan katut ilining samirana, kumleyang
dhawah wonten tepis wirining Negari Durjanapura.
Gangsa mungel Alap-alapan Slendro pathet Serang. Kuswanalendra
kumleyang dawah katungka Resaseputra, kacandak, kabanting nuli
kapetak dhawah kabuncang, kumleyang. Kalakirna nuli tancep siti
inggil tengen, sumaliwati medal saking tengen tancep siti inggil kiwa.
Gendhing suwuk lajeng ginem.
Ginem.
675. Sumaliwati : Mangga kangmas dipun lajengaken anggenipun
badhe marak sowan dhateng kanjeng
rama prabu.
676. Kalakirna : Iya yayi, jane aku seneng ana ing tepis wirining
Guwa Winangun kene iki. Mbesuk bakal
tak nggoni madhepok, tak jenengne Pertapan
Guwa Wara Winangun.
677. Sumaliwati : Nuwun inggih kangmas kula badhe dherek
penjenengan.
678. Kalakirna : Yen kaya mangkono ayo bebarengan ngadhep
marang ngarsane ramamu.
679. Sumaliwati : Sumangga kangmas kula dherekaken
Gangsa mungel Ayak Slendro pathet Serang. Ringgit sami kabedhol
lumampah manengen. Sigeg kayon, gantos papan nenggih kraton
Purwacarita. Sumalidewa kawedalaken saking tengen nuli tancep siti
inggil tengen, Sumaliwati medal saking kiwa, atur sembah nuli tancep
paseban kiwa, Kalakirna medal saking kiwa, atur sembah nuli
tancep paseban kiwa sak wingkingipun Sumaliwati. Gendhing suwuk
lajeng ginem.