pedalangan jilid 2

396
ngiwa, Sumalidewa kaentas manengen, Sumalintana kabedhol marep
manengen atur sembah nuli lumampah mangiwa. Adegan candakan
Kuswa medal saking tengen tancep siti inggil tengen lan Berjanggapati
medal saing tengen nuli sembahan tancep ing paseban kiwa,
kaderekaken punakawan. Gendhing suwuk lajeng ginem.
Ginem.
505. Kuswanalendra : Kakang Kuswa badhe tindak pundi… ?
506. Berjanggapati : Dhuh dhi… isinku ora kurang-kurang, diunek-unekna
karo Prabu Sumalidewa. Berjanggapati,
banjur kaya apa yayi ?
507. Semar : Heee……, salah ndika dhewe gus, mula tiyang
niku kepara blaka kemawon, ngakune
bisa ning ora bisa, lha akhire kaya ngeten
niki, sing tuwa-tuwa melu kecandhak….
508. Kuswanalendra : Semar, aja ndadak kakehan ucap, yen ora
gelem ndherekna aku enggal minggata,
minggata !!!
509. Semar : Lho….. nggih, nggih. nggih niki sing kula jaluk,
nggih omongan niki sing kula enteni.
Gong...gak cocog iki nak, gak trep lek awake
dhewe ndherekna barisane wong ngenengene
iki le,
510. Bagong : Lha terus ya’ apa ma,
511. Semar : Wis, ayo nyingkir nak, sajake….., aku iki
wiwit jaman Wisnu nganti seprene iki gak tau
le, nganti disentak ndara. …
512. Berjanggapati : Semar, sing sabar Semar…..
513. Semar : Wo…., mboten saget den…, mboten saget.
Pun sementen mawon kula ndherekna ndara
kula kekalih, pun…, sak laku-laku kula kalih
anak kula Bagong. Ayo nak didoleki le,
heeee…, Wisnu iki ana ngendi nak, Wisnu iki
lee…, manunggal manitis ana ngendi. Ayo
le……
Gangsa mungel Ayak Kempul Kerep laras Slendro pathet Sanga.
Semar lan Bagong medal mangiwa tanpa pamit. Gendhing suwuk
lajeng ginem.
Ginem.
514. Kuswanalendra : Gak ditutna Semar gak apa-apa, wis mbuh
menyang endi lakune pun kakang, yen ta si