pedalangan jilid 2

366
200. Mangkupraja : Mangga raden kula dherekaken.
201. Sumalintana : Duh kanjeng dewaji ketiwasan….. Negari kantun
saingkupe payung sarebahing landheyan,
rama prabuuu….
Gangsa mungel Krucilan laras Slendro pathet Wolu. Ringgit bedholan
sedaya lumampah manengen marak sowan prabu Sumalidewa.
Sigeg kayon gantos keraton purwacarita. Prabu Sumalidewa kawedalaken
saking tengen kanti asta walangkerik nuli tancep siti inggil
tengen. Sumalintana lan Bramangkara sami medal saking kiwa, atur
sembah nuli tancep paseban kiwa. Gending suwuk lajeng ginem.
Ginem.
202. Sumalidewa : Sumalintana.
203. Sumalintana : Wonten dhawuh kanjeng dewaji.
204. Sumalidewa : Sliramu ora usah kathik nganggo matur kahanan
ing alun-alun palagan perang. Pun rama
wis nyumurupi ya ngger. Mundure para wadya
bala apadene pamanira Mangkupraja, klebu
sliramu uga, kapracondhang kalah prebawa
uga kalah samubarange klawan Nalendra
Sunggela Manik.
205. Sumalintana : Lajeng kados pundi rama, menapa kelampahan
kakangmbok Sumaliwati badhe dipun paringaken
dhateng Nalendra angkara.
206. Sumalidewa : Mendah panandhange mbok ayumu sumalintana,
yen nganti kagarwa dening nalendra ingkang
watak dursila.
207. Sumalintana : Nuwun inggih rama, lajeng keparengipun kanjeng
rama kados pundi ?
208. Sumalidewa : Ngene ya ngger, sawatara Prabu Jalawalikrama
mesanggrah ana alun-alun Purwacarita,
lha sliramu aja wedi kangelan. Manungsa wajib
mbudidaya, Gusti ingkang paring rejeki.
209. Sumalintana : Nuwun inggih rama.
210. Sumalidewa : Goleka sraya, goleka jago, sapa wae. Ora
preduli tedhaking uwong ningrat ora ndeleng
iku wong sudra idhep-idhep pasang patembaya,
sok sapa bisa ngundurake Nalendra Sunggela
Manik, siji ganjarane negara, angka loro
ganjarane mbok ayumu Sumaliwati.
211. Sumalintana : Mekaten rama, lajeng mbenjang menapa ing-
ikang putra lengser saking Negari Purwacarita.