pedalangan jilid 2

380
343. Berjanggapati : Ibarat lara bareng lara, mukti bareng ngawibawa.
344. Kuswanalendra : Awas lho ya, sliramu melok aku, aku ora
ngajak. Ning yen sliramu ana ing ngendi
wae kathik nganggo sambat-sambat, aja takon
dosa, ora wurung tak jempala.
345. Berjanggapati : Dipun prawasa kula ndherek.
346. Semar : Heeh . . . ya’ apa nak, putune Bethara Rama
rong perkara, sing siji andhape kaya ngene
sijine kok kaya ngana tekone.
347. Bagong : Pancen ibarate endhog ma, endhog ika nek
durung netes ya padha potene ma, yen wis
netes ya kaya ngene iki, delengen ta . .ndara
Berjanggapati iki wis cocog, wis pantes minangka
putrane ndara Berjanggalawa putune
bathara Rama. Nek sing situk ika…. Penyaaakit
ma…
348. Semar : Heeeh..koen iku aja ngono le, elek-elek iku
ya momonganmu Gong..
349. Kuswanalendra : Semar, bendaramu melu aku. Rika balia menyang
Durjanapura.
350. Semar : Eee…. kula niki kajibah momong ndika gus,
nek ngantos enten napa-napane kula mangke
kapaiben, kadukanan kaliyan ingkang rama,
ee….. teng pundi mawon ndara kekalih
tindak kula ndherek.
351. Kuswanalendra : Aku iki ora lunga plesir golek papan kanggo
ngenggar-enggar awak, ora… ning aku iki
ngulandara.
352. Semar : Nggih kersane ndara, kula ndherek mawon
awit didhawuhi ndara Berjanggalawa, teng
pundi mawon ndara-ndara tindak kula kedah
ngamping den…..
353. Kuswanalendra : Ya..............tak lilani, ning mbesuk yen ana
ngendi ae kathik sambat, gak eruh jawane.
354. Semar : Enggih kersane. Goong… ancene abot nak
kuwajiban iku.
355. Bagong : O… iya ma.
356. Kuswanalendra : Bagong ya melu….??
357. Bagong : Enggih den ah….. C-S-e hare, gak melok yo’
apa.
358. Kuswanalendra : Kathik mbesuk ana papan adoh njaluk bali
marang Durjanapura aku ora bisa ngeterna
Mangundiwangsa.