pedalangan jilid 2

387
410. Kuswanalendra : Mbiyantu aku...iya...mbok anggep aku iki bocah
cilik, kalah trus keplayu ngono… aku
ngono sik wani.
411. Semar : Den…kersane empun direwangi, kersane..mangga
bandha nontok mawon.
412. Bagong : Nggih den la napa ngreken. Turu-turu napa’a.
Arek ngoten niku bah digepuki uwong
bah ora. Lha nek kono iku kalah iku ma, atiku
iku surak hare…aku nde lok thok ae gak
keduga iku…
413. Kuswanalendra : Gong…..
414. Bagong : Nun…..
415. Kuswanalendra : Ngomong apa.
416. Bagong : Ee…..ningali ndara niki wau kok digdaya.
417. Kuswanalendra : Waah.koen iku kok mencla-mencle Gong
omongmu, Gong...umpama aku mengko
unggul ing jurit, Sumaliwati bakal dadi jodhoku.
Cethane dadi garwaku.
418. Berjanggapati : Kangmas, kula sabiyantu punika mboten kok
lajeng mangke yen kula mangke mimpang,
Sumaliwati miwah Negari Purwacarita kula
ingkang gadhah. Ning sadaya kala wau badhe
kula aturaken kakang Kuswa minangka
tandha tresna kula dhateng sedherek sepuh.
419. Kuswanalendra : Oo… lek awakmu menang, ganjarane…..
420. Berjanggapati : Nggih katur panjenengan
421. Kuswanalendra : Kanggo aku…….
422. Berjanggapati : Inggih kakangmas…
423. Kuswanalendra : Ya embuh lek ngono….. ya, ya. Nanging yen
nganti ora bisa ngalahna Prabu Jalawalikrama
aja takon dosamu. Pedhote gulumu totohane.
Kaya ngapa……
424. Berjanggapati : Inggih purun.
425. Kuswanalendra : Gelem !!!
426. Berjanggapati : Purun kakangmas.
427. Semar : Wah… kok cik luhure le… budine bendaramu
Berjanggapati. Lek kalah iku lak ya dipateni.
428. Bagong : Lha ndara Berjanggapati iku gak oleh gawe
tolek gawe kok maa…wak..nganggur-nganggur
jebolana jenggotku apa’a, tak elem-
Timbang mbiyantu dulure wong kaya ngono.
429. Kuswanalendra : Maguta ana palagan perang, aja ndadak kedaluwarsa
aku njaluk bukti sirahe Jalawalikrama
aturna ana ngarepe pun kakang.
430. Berjanggapati : Nyuwun tambahing pangestu.