pedalangan jilid 2

383
374. Kuswanalendra : Lha sliramu ‘ki putra nalendra. tekadmu endi
dene negaramu dijarah rayah dening wong
manca negara kok meneng ae, wong nomnoman
sik bagus, sik gagah ngene kok cik
bodhone sliramu iki. Apa lila negaramu diicak-icak
wong manca negara.Tekadmu endi
Sumalintana…!
375. Bagong : Lho ya’ apa cik slorone arek iku ma… kandhanana
ma, ya’ apa wong putra ratu hare,
dituding-tuding ngono.
376. Semar : Wis deloken ae nak..deloken ae, cacak ya’ -
apa mengko dadine.
377. Sumalintana : Ngene raden, wis ora kurang-kurang anggonku
mbebela. Nanging wruhana Jalawalikrama
ngluwihi manungsa lumrah kadigdayane.
Sasat dewa ngejawantah, wadya bala
wis kapracondhang saka palagan, rama prabu
ngutus supaya aku ngupadi sraya.
378. Kuswanalendra : Golek sraya, tegese golek sanjata pitulungan.
379. Sumalintana : Iya bener raden, mula tiwas kebeneran aku
ketemu raden sakarone ana kene, aku njaluk
sanjata pitulungan marang raden sakloron,
undurna nalendra saka Sunggela Manik.
380. Kuswanalendra : Aku mbok jaluki tulung….??
381. Sumalintana : Iya.
382. Kuswanalendra : Wong nyambut gawe iku ana ongkose. Ongkose
apa Sumalintana…
383. Bagong : Kandhanana ma, ndara Rama biyen iku lek
nulungi uwong, rame ing gawe sepi ing pamrih
ma…
384. Semar : Gak kenek le…ndaramu Kuswa nek wis ngono
iku..wis deloken ae naak, dielingna gak
kenek, seje karo bendaramu Berjanggapati..
385. Berjanggapati : Kangmas…., mangga dipun aturi sanjata pitulungan,
ampun taken bab ganjaran, kakang
…..
386. Kuswanalendra : Heh.. nek gak melok, balik-a…. balik !!! ngridhu-ridhuni
laku ae. Aku nyirnakna raja angkara
Ratu Sunggela Manik iku, tekad-e nek
gak menang ya kalah, yen kalah tartamtu
mati. Yen ora oleh ganjaran ya’ apa heh..ora
entuk bebungah… luwung nganggur apa’a.
387. Bagong : Ngono kok urip arek iki….. ah, ya’ apa.
388. Semar : Menenga ae nak, koen ngko ditaboki lho le,
wong tuwa ditaboki arek enom ndang, ngre-