pedalangan jilid 2
pedalangan jilid 2
pedalangan jilid 2
Create successful ePaper yourself
Turn your PDF publications into a flip-book with our unique Google optimized e-Paper software.
337<br />
nan, wancine Sang Dewangkara mangklung kilen wangsul dhateng<br />
kandhange piyambak-piyambak cinandra golong-golong mangetan,<br />
golong-golong mangulon tan ana kang kacicir ing dalem sajuga. Ripah<br />
werdine para bangsa manca ingkang bebara dhateng Negari<br />
Purwacarita candrane jejel riyel pipit aben cukit tepung taritis, papan<br />
jembar katingal rupak, ratan jembar katingal ciut saking kathahing<br />
para warga.<br />
Pramila yen cinandra Negari Purwacarita dhasar negari ingkang<br />
jero tancepe, jembar wewengkone, padhang jagade, adoh kuncarane.<br />
Ewadene saking manca praja tlatah sabrang kathah nalendra<br />
ingkang sami sumuyut datan karana ginebag ing prang amung<br />
kayungyun pepoyaning kautaman. Pendhak warsa kathah ingkang<br />
samya asok abon atur bulu bekti wujuding guru bakal guru dadi, peni-peni<br />
raja peni. Wonten ingkang saweneh ngaturaken wanodya<br />
ingkang endah-endahing warna minangka tandha panungkul.<br />
Dhasar negari ingkang kahayoman mring dewa jinangkung<br />
dening para Jawata sajagad rad pilih tandhinge, inggih awit para<br />
among praja tansah manunggal tekad kalayan para warga gumregut<br />
sengkut nggennya amangun negari kanthi manunggaling cipta rasa<br />
budi lan karsa ndadosaken Negari Purwacarita negari ingkang kondhang,<br />
negari ingkang sinungkanan dening nalendra manca praja.<br />
Lah sinten ta ingkang jumeneng nalendra ing Negari Purwacarita.<br />
Dasa asmaning sang prabu, dasa Sepuluh asma kekasih,<br />
bebasan yen ta dewa bebisik, pendita apeparab, yen ta wanara pradegsa,<br />
yen ta buta ditya, yen nalendra jejuluk, manungsa awujud.<br />
Anenggih ta punika wewujudanipun Sang Prabu Sumalidewa, jejulukipun<br />
Nalendra ing Purwacarita. Cinandra nalendra ingkang mahambeg<br />
paramarta berbudi bawaleksana. Asih mring sapadha-padha,<br />
mranata kanthi arip lan wicaksana pantes dadya pandam pangayubaning<br />
para warga, awit sang nata tansah anuhoni sesantining<br />
nalendra utami, nenggih ta tanuhita, darmahita, danahita, lan sarahita.<br />
Nadyan ta sampun kaduk yuswa Nalendra Purwacarita taksih kiyat<br />
anggenipun ngembat pusaraning praja, ndadosaken Negari Purwacarita<br />
ayem, ayom, ageng tur agung.<br />
Nalika samana sang prabu lagya mapan wonten madyaning<br />
paseban lenggah ing kursi gadhing dhampar dhenta kang linemekan<br />
babut prang wedani den apit mbok emban cethi nata gandhek kaungkulan<br />
teja kapituhu, ngagem busana keprabon ingkang sinulaman<br />
sarwa benang kencana, mancorong cahyane ageng daya prabawane,<br />
cinandra saking mandrawa kadya ilang kamanungsane yayah<br />
Bathara Endra angejawantah. Nampi sowanipun ingkang abdi<br />
Rekyana Patih Mangkupraja ingkang katingal sendheku amarikelu sila<br />
tumpang ngapurancang tumangklung jangga pindha konjem ing<br />
pratala wadanane, nggennya angrantos dhawuhipun ingkang sinuwun<br />
Prabu Sumalidewa.