pedalangan jilid 2

341
dalem patih katimbalan wonten ing ngarsa sajak
wonten wigatos ingkang kedah kula embun
dhawuh panjenengan dalem sinuwun.
11. Sumalidewa : Yayi patih.
12. Mangkupraja : Dhawuh dalem sinuwun.
13. Sumalidewa : Mangkene patih, pancen ana wigati kang kudune
ingsun babaraken ing pasiniwakan kene.
14. Mangkupraja : Kawula noknon inggih sinuwun, bab punapa
kula aturi paring dhawuh, menawi kemawon,
mangke mboten ketang saklimah ingkang abdi
saget atur wawasan konjuk wonten ngarsa
panjenengan dalem. Nanging wiwit purwa madya
wasana ing perseban, gusti kula mboten
enggal paring dhawuh, tansah mendel kewala
wonten palenggahan, nekep jaja nyakep lathi
sakedhap-sakedhap unjal ambegan kados
wonten ingkang dipun kersaaken nanging dereng
kababar. Sinuwun menawi kepareng enggal
kababara punapa kang dados nenging ndriya
sinuwun…..
Sendhon Laras Slendro Pathet Sepuluh
. . . . . . . . . . . .
1 1 1 1 1 61 5 5 5 5 5 56 6 21 - 21216
Sumedhoting ti - yas, kadya kaleyanging ron, O…, O
. . . . . . . . . . . . . . . . .
1 2 2 2 2 2 2 2 2 2 21 1 6 65 5 5 2-1216
Kadya ka-le-yanging ron, kang ka-si-lir-ing, sa- mi- ra-na, O…
5 561 561 5 5 323 3
Wasing, tyas, kadya tha – thit
2 3 5 5 5 5 5 32 2 2
Mangkana, alon nggennya a – mu wus
Pocapan
Mendel Sang Prabu Sumalidewa, dupi midhanget aturipun Rekyana
Patih Mangkupraja. Pindha mawut ponang yitma, kados kabingahan
ponang suksma, njengeeer…. wonten ing panangkilan. Punapa darunanipun
dereng kawijiling lesan, ning taksih wonten ing guwa parikena.
Ing panggagasipun Sang Prabu Sumalidewa mboten sanes
amung menggalihaken ingkang putra kekalih, Kusumaning Ayu Dewi
Sumaliwati sumawana Sumalintana. Mangkana ta Sang prabu Su-