pedalangan jilid 2

412
king kiwa sinaretan katutup kayon, tancep paseban kiwa radi mlumah
(kaentha turu), kayon kaentas. Kalakirna medal saking tengen,
tancep siti inggil tengen. Gendhing suwuk lajeng bendhengan, nuli
ginem.
Ginem.
637. Kalakirna : Wah iki ana wong kepegelen, keturon iki.
638. Sumaliwati : Tobaat…, tulungana aku, sapa gelem nulungi
aku……
639. Kalakirna : Wooo…, ana kene iki swara tangis iki, mulane
kok nglayung-nglayung olehe nangis,
waah… dilebokna kancing gelung ngene, ya’
apa karepe ratu iki. Gak enak rasaku, mesthi
maling iki….
Gangsa mungel Ayak laras Slendro pathet Serang. Sumaliwati dipun
dal-aken saking kancing gelung, lajeng tancep siti inggil kiwa
sak ngajengipun Jalawalikrama ingkang nembe sare. Gendhing suwuk
lajeng ginem.
Ginem.
640. Sumaliwati : Ndika sinten kisanak…
641. Kalakirna : Wah…, iki…, Kalakirna jenengku ndhuk.
Awakmu iki sapa.
642. Sumaliwati : Aku Dewi Sumaliwati.
643. Kalakirna : Wah iiiki lek ngono sing tak goleki, iya gak
pangling aku, thekku biyen iki. Sumaliwati,
sliramu kok ana jroning kancing gelung iku
mau critane ya’ apa.
644. Sumaliwati : Aku dicolong karo Nalendra Sunggela Manik
Prabu Jalawalikrama, aku tulungana ya Kalakirna…
645. Kalakirna : Aku gelem nulungi, tapi opahe apa ndhuk....
646. Sumaliwati : Karepmu njaluk apa..
647. Kalakirna : Ah… jane aku gak pangling karo sliramu.
Apa gak eling nalika jaman semana, sliramu
ki dadi bojoku lho ndhuk….
648. Sumaliwati : Iya sejatine aku ora pangling. Eling jaman
semana….
649. Kalakirna : Lho…, wis tenger-tengeran rek…cocog iki
wis. Ha nek ngono Kalakirna bisa angreksa
marang garwane biyen. Mula dina iki seksenana,
Bethara Guru ya mesthi nyekseni