pedalangan jilid 2

369
wedalaken saking kiwa, atur sembah nuli tancep paseban kiwa. Gending
kasirep lajeng janturan.
Pocapan
Hanenggih punika ta ingkang kinarya gempalaning kandha gelising
tiyang carita, nyariyosaken ingkang oncat saking Kraton Durjanapura.
Hanenggih ta punika atmajanipun Sang Prabu Berjanggalawa,
Raden Berjanggapati kekasihe. Satriya bagus ibarat tanpa cacad
pantes yen ta dadya putra Nalendra Durjanapura, pantes yen ta putra
wayah Sri Bathara Rama. Yen angendika arum manis wicarane
andarbeni rasa tresna mring sapadha-padha, mula ora mokal yen ta
Semar dhahat tresnane kaliyan sang bendara Raden Berjanggapati.
Kadherekaken Semar Bujagati, Bagong, lan Besut. Yen ta Semar
ora bisa mbudidaya mrih bendara enggal paring dhawuh kaya-kaya
ora pantes awit Bathara Ismaya. Sem: peteng mar: padhang. Gawe
pepadhange swasana peteng, asung padhange wardaya ingkang
bendara. Kabyantu Bagong, Ba: be’ Gong: Gedhe. Gedhe tekade
akeh akale sugih budidayane. Besut minangka panakawan ora mokal
yen ta Berjanggapati tansah kagadhingan dewa manjalma, ana
kang mastani dewa kamanungsan. Dangu nggennya mendel kewala
Semar sigra angrumiyini matur wonten ngarsanipun bendara: ee . . .
ya’ apa nak bendaramu iki. . . .Bagong (Bg): kono ma. . . . aturana
ma . . ., Semar (Smr) : ee . . iya le . . .
Gendhing wudhar lajeng suwuk
Semar ura-ura
. . . . .
5 5 61-65 1 2 5 5-656516152 3 5-36
Mang ke ru miyin, nda ra ku la
6 1 2 2 2 2 2 2 2 2 1 1 1 3 21 1 1
Ndara kula berjanggapati, kembang biru munggwing pager
3 3 3 3 3 3 3 3 3 3 5-232 2 2
Mboten langkung yen enten lepate kang abdi
5 6 1 1 1 1 1 1 321 6-5
Mugia kersa paring panga pu - ra
Ginem.
220. Besut : Wah. . . . untung makdhe sik eling ya pak. . . .