pedalangan jilid 2

370
221. Bagong : Lha iya. . . ya ma, masiya saiki akeh garapan,
ning sing klasik aja nganti lali. ya ma. . . .
222. Semar : ee . . . iya nak.
223. Bagong : rika isa nembang . . .
224. Semar : iya . . tapi gak oleh akeh-akeh . . . .
Lajeng tetembangan sak cekapipun
Ginem.
225. Semar : E . . . ae . .ae, den . . mboten ketang sapada
nggih niku wau ingkang kula aturaken. Mugi
saget nujuprana. . .
226. Bagong : Ma. . nujuprana iku apa ma. . . .
227. Semar : Iso gawe bungah rasane bendara le, ha wong
tuwa iku iso’e asung pitutur utawa asung pemut
marang bendara, yaiku dilewatna tembang
nak, supaya gampang ditampa le. .
228. Bagong : Kira-kira mandi pa gak ma, tetembangane.
229. Semar : Mandi le, wong tak barengi karo mantra kok . .
230. Bagong : Mantra apa ma.
231. Semar : Lho . . .wong tuwa ki sugih mantra le, lha nek
bendaramu ngene ae, tak rapalna aji sewu
eneng . . .
232. Bagong : Terus . . .
233. Semar : Meeeneng nak . . .
234. Bagong : Rak tambah meneng ma. . . koen iku.
235. Semar : Den . . . .
236. Berjanggapati : Semar, oo. . . wis sepuh nanging bisa gawe
pajaring rasaku Semar,o. . . nyata-nyata dewa
kamanungsan. Bisa gawe jampining rasa kang
lagi susah. Iki mau tembang apa.
237. Semar : Gendhing Jawatimuran tembange Angleng Surabaya.
Den, niku wau menggahe dirasakaken
ngemu pitedah, ngemu tuntunan. Ha wong tuwa
niku siyen yen nggulawenthah dhateng
sing nem-nem niku mboten dituturi kados tiyang
sakniki, ngaten . . .sageta mboten salah
tampa dipun tembangi.
238. Berjanggapati : Ngono ya . .
239. Semar : Inggih . .
240. Berjanggapati : O….kok ya pinter, ya… ya Semar gedhe panarimaku.
Minangka bebungah anggonmu nembang
iki mau, ana dhuwit sethithik kanggo sliramu.