pedalangan jilid 2
pedalangan jilid 2
pedalangan jilid 2
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
334<br />
9.4. Naskah Pertunjukan Wayang Semalam Suntuk gaya<br />
Jawatimuran dalam cerita Resa Seputra<br />
(nara Sumber: Ki Dalang Bambang Sugio, tahun 2004, di Gedung<br />
Arstistika SMKN 9 Surabaya jalan Siwalankerto Permai I Surabaya.<br />
Dalam rangka penyerapan materi jurusan seni Pedalangan)<br />
Cak-ing pakeliran.<br />
Jejer Negari Purwacarita<br />
Buka rebab, mungel gendhing Gandakusuma laras Slendro pathet<br />
Sepuluh. Wayang Semar lan Bagong kabedhol, kaseleh wonten ing<br />
eblek tengen. Kayon kabedhol sesarengan, lampah lamba lajeng<br />
lampah rangkep, alon kapisah pindha wenganing gapura, ngantos<br />
dumugi pinggir, kayon kabeksa aken. Kayon katutup kanthi pethit ing<br />
kayon manunggal, lajeng dipun pisah mangiwa-manengen, katancepaken<br />
sesarengan wonten ing pinggir. Emban medal saking sisih<br />
tengen mangiwa kanthi kabeksaaken lampah lamba lajeng rangkep,<br />
katolehaken manengen nuli sembahan ambal kaping kalih lajeng<br />
tancep ing paseban tengen. Wayang beksan utawi punggawa beksan<br />
kawedalaken saking sisih kiwa manengen kanthi lampah lamba<br />
lajeng rangkep, ringgit tancep nuli capeng lajeng gebes dawah gong.<br />
Ringgit kabeksaaken lajeng sembahan, nuli tancep ing paseban<br />
kiwa. Wayang punggawa angka kalih kawedalaken saking sisih kiwa<br />
manengen kanthi lampah lamba lajeng rangkep, ringgit nuli sembahan<br />
tancep wonten ing paseban kiwa sak wingkingipun punggawa<br />
beksan. Putran kawedalaken (raden Sumalintana) saking sisih kiwa<br />
manengen kanthi beksan nuli sembahan lajeng tancep ing paseban<br />
tengen sak ngajengipun emban. Patih Mangkupraja kawedalaken saking<br />
sisih kiwa manengen ing tengah nuli atur sembah lajeng tancep<br />
ing paseban kiwa sak ngajengipun punggawa beksan radi majeng.<br />
Gangsa kainggahaken utawi udar tanda sang prabu nedya miyos ing<br />
pasewakan. Patih kebedhol nedya mapak rawuhipun nalendra, kanthi<br />
lumampah manengen. Prabu Sumalidewa kawedalaken saking sisih<br />
tengen asta sedakep kaderekaken patih mangkupraja. Sang prabu<br />
tancep ing siti inggil tengen, patih tumoleh manengen lajeng atur<br />
sembah. Patih tancep ing papan sakawit. Saksampunipun ringgit katata<br />
kanthi teliti, gangsa kasirep kalajengaken Pelungan.
Change language