pedalangan jilid 2

410
Gangsa mungel Ayak Kempul Kerep laras Slendro pathet Sanga.
Ringgit sami bedholan lumampah manengen marak sowan dhateng
Bethara Guru. Sigeg kayon gantos ing khayangan Suralaya. Batara
Guru kawedalaken saking tengen nuli tancep siti inggil tengen. Kalakirna
medal saking kiwa, atur sembah nuli tancep paseban kiwa.
Gendhing suwuk lajeng bendhengan, nuli ginem.
Bendhengan
. . . . . .
3 3 3 3 3 3
Sang Hyang mayang dewa
. . . . .
3 3 32 2 6 6 6 6 6 3 53 3
tumuruna titi sonya tengah wengi
. . . . . . . . . . . .
1 2 3 3 3 3 3 3 1 21 1
nyeksenana tangkepe pra pandhawa
Ginem.
623. Batara Guru : Kalakirna..
624. Kalakirna : Wonten dhawuh pukulun, sampun nyumurupi
nami kula.
625. Batara Guru : Miturut ature Kakang Narada jeneng kita
arep nyuwun Bethari Sri.
626. Kalakirna : Pukulun sampun mangertos raos kula.
627. Batara Guru : Iya Kalakirna, ulun mangerteni mungguh sejatine
karep kita iki apa. Sepisan kepingin
ilange penyakit kang mbok sandhang. Bab
iku jeneng kita kudu nrima Kalakirna, kaping
pira jeneng kita gawe pepati duk natkala jaman
Subali, wong utama mbok prawasa awit
jeneng kita nuruti karepe murid kita nalika
samana Nalendra Ngalengkadiraja Dasamuka.
Arjunawijaya iku ora dosa perkara, hambege
nalendra kang utama malah mbok prawasa
nuruti wadulane muridmu si Dasamuka.
Eling….
628. Kalakirna : Inggih pukulun.
629. Batara Guru : Mula jeneng kita saiki kepingin waluya temah
jati, jati temah nirmala saka memala kang kita
sandhang, lan bali ketemu maneh karo sisihanmu
Dewi Widawati, jeneng kita kudu
utang sepisan maneh….
630. Kalakirna : Utang…..?? utang napa pukulun.