pedalangan jilid 2

392
465. Sumaliwati : Ya bener, nanging biyung, nek aku ora gelem
Negara Purwacarita arep dijarah rayah
dening Prabu Jalawalikrama.
466. Emban : Nggih…. nanging pun kuwatos, menawi bendara
ayu mboten kersa dipun boyong dhateng
Negari Sunggela Manik inggih sampun
ndara ayu, kula nggih ndherek prihatin. Mugi-mugi
Gusti ingkang Maha Agung enggal
paring jodho dhumateng bendara kula ayu
ingkang saget paring pangayoman kalih bendara
ayu, gusti kula Dewi Sumaliwati.
467. Sumaliwati : Ngono ya biyung.
468. Emban : Inggih ndara……….. Oo…..
Kalajengaken pocapan kairing gadhingan, sinaretan ngedalaken Jalawalikrama
saking nginggil kiwa (kaentha ngungak-ungak) saking
dirgantara.
Pocapan
Eca nggennya sami rerembagan putri Purwacarita kusumaning ayu
Ni Dewi Sumaliwati. Datan kraos anggennya samya rerembagan den
tingali saking gegana dening Prabu Jalawalikrama, ing raos semune
ngudarasa Jalawalikrama: “Oo…. Iki Dewi Sumaliwati, wah… nyata
ayu temenan memba widadari ngejawantah. Wah….. yen ta kaya
mangkene apa gunane aku pancabakah karo wadya bala Purwacarita
apadene srayane Prabu Sumalidewa”. Niyub saka dirgantara Sumaliwati
den candhak wani, kabeta mabur ing gegana.
Gangsa mungel Alap-alapan laras Slendro pathet Sanga. Dewi Sumaliwati
kadhusta prabu Jalawalikrama kabeta mabur. Gendhing suwuk
lajeng emban tancep paseban tengah marep mangiwa, ngudarasa.
Ngudarasa.
469. Emban : Duuhh…. ketiwasan ora wurungan bakal
nampa pidana saka bendaraku Sumalidewa.
Sinuwun..ketiwasan sinuwuunn…
Gangsa mungel Ayak Kempul Kerep laras Slendro pathet Sanga.
Emban kabedhol kaentas manengen marak sowan prabu Sumalidewa.
Sigeg kayon, jejer candakan kraton Purwacarita. Prabu Sumali-