pedalangan jilid 2
pedalangan jilid 2
pedalangan jilid 2
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
345<br />
41. Sumalidewa : He… tobat, iya patih, muga cocog karo prasetyamu,<br />
negara Purwacarita bisaa ayem tentrem<br />
ora ana apa-apa lan muga Prabu Jalawalikrama<br />
bisaa nampa apa sing dadi kersaningsun.<br />
O…<br />
Pocapan Tekane Tamu<br />
Wauta mangkana Sang Prabu Sumalidewa anggenipun wawan rembang<br />
kaliyan Rekyana Patih Mangkupraja. Ngibarat mucang dereng<br />
abrit, ngidu dereng tumiba ing paidon kencana, kasaru geger njawi…..<br />
O.., gegere njawimiyaking pambarisan ing pangurakan, sinten<br />
ta ingkang arsa sowan tanpa katimbalan. Arsa seba tanpa sabawa<br />
kanthi myak lampit mandhala giri trantanan pundhak yot-yotan pupu<br />
nyandhung epok galeyah-galeyah minggah paseban. Punika ta praptane<br />
nalendra Sunggela Manik. Umyaking para wadiya bala….<br />
Mungel gendhing Gedhog Tamu laras Slendro pathet Wolu, praptane<br />
nalendra Sunggelamanik. Patih Mangkupraja kaentas lajeng sembahan<br />
nuli mundur mangiwa arsa mapak tamu. Prabu Jalawalikrama<br />
nalendra saking Sunggelamanik kawedalaken saking sisih kiwa manengen<br />
kanthi kabeksaaken, ringgit nuli tancep siti inggil kiwa. Patih<br />
kawedalaken saking sisih kiwa, atur sembah nuli tancep ing paseban<br />
sisih tengen sak wingkingipun raden Sumalintana. Gending sirep lajeng<br />
kajantur.<br />
Janturan Tamu<br />
Gleyah-gleyah nggennya lumampah minggah paseban agung, punika<br />
ta warnanipun nalendra saking Negari Sunggela Manik jejuluk<br />
sang Prabu Jalawalikrama. Gagah prakosa gung birawa rinengga<br />
busana kaprabon sangsaya gawe cakrak bregas kebak prabawa yen<br />
ta kacandra wandane Sang Prabu Jalawalikrama trawaca yen ta nalendra<br />
tedhak braham, tansah ngegung-ngegungaken watak angkara.<br />
Punapa ingkang dados wigatosipun tebih saking Negari Sunggela<br />
Manik prapteng Purwacarita, dereng kaaturaken, mendel ing ndalem<br />
sawetawis. Kagyat Sang Prabu Sumalidewa nampi rawuhe tiyang<br />
agung Sunggela Manik, awit dereng nate tetepungan pramila enggal<br />
kaaturan rawuhipun nalendra saking Sunggela Manik.<br />
Gendhing Udhar, suwuking gendhing lajeng ginem.<br />
Ginem.<br />
42. Sumalidewa : Nuwun-nuwun mangke, yen ta kula tingali saking<br />
busana sampun cetha yen ta panjene-