pedalangan jilid 2
pedalangan jilid 2
pedalangan jilid 2
Create successful ePaper yourself
Turn your PDF publications into a flip-book with our unique Google optimized e-Paper software.
338<br />
Datan kantun sowaning para wadya bala wiwit mantri bupati,<br />
para prajrit, hulubalang, senapati perang, katingal andher wonten<br />
paseban ngantos prapteng pangurakan, ibarat tanpa sela sowaning<br />
para kadang santana. Dene ingkang marak sowan wonten sak wingkingipun<br />
sang prabu nenggih punika putra ingkang angka kalih kekasih<br />
Raden Sumalintana. Satriya bagus cakrak bregas, angrantos<br />
dhawuhipun ingkang rama dipun rencangi sawetara datan obah datan<br />
polah pindha tugu waja sinukarta namung sajuga ingkang karantos<br />
dhawuhipun ingkang rama.<br />
Kenging daya prabawaning Sang Prabu Sumalidewa swasana<br />
rep sidhem premanem ibarat tan ana sabawaning walang ngalisik<br />
amung ing njawining paseban kapyarsa ocehing kukila ingkang<br />
wonten ing pucaking wit gurdha binarung larasing gamelan kraton<br />
miwah sesendhonane para widuwati, manganyut-anyut jiwa swaraning<br />
tansaya ndadosaken ngesing swasana ing paseban yen ta cinandra<br />
tansaya dangu tansaya asri. O…..<br />
Asrining paseban datan kados Sang Prabu Sumalidewa kaadhep<br />
dening gunging para kadang santana mboten enggal paring<br />
dhawuh, sawetawis mendel wonten ing kursi gadhing kanthi nekep<br />
jaja nggeget lathi, sakedhap-sakedhap unjal ambegan mratelakaken<br />
yen ta Sang Prabu Sumalidewa wonten ingkang dipun eningaken ing<br />
salebeting guwa parikena, nanging dereng kawijil, dereng kababar,<br />
ndadosaken gugup bingunging ingkang lagya marak awit mboten kados<br />
adat ingkang sampun.<br />
Ing kalenggahan mangke Sang Prabu Sumalidewa katingal<br />
surem ponang wadana, kados ical prabawane, kados pusaka ilang<br />
pamore. Pramila satunggal kewala mboten wonten ingkang wantun<br />
ngrumiyini matur, amung jawil-jinawil mring kanca rowangira. Sareng<br />
enget yenta lagya kaadhep gunging para santana miwah para abdi,<br />
sigra sang prabu arsa ngersakaken imbal pangandikan, andangu kalayan<br />
ingkang lagya seba utaminipun Rekyana Patih Mangkupraja.<br />
Purwaning pangandika yenta kapyarsa alus ning mawa daya<br />
perbawa, cinandra pindha tirta ingkang kasiliring samirana. Gelising<br />
kandha kaya mangkana wedharing dhawuh ingkang arsa kawijiling<br />
lesan.<br />
Gendhing Udhar, Suwuking Gendhing Lajeng Sendhon Laras Slendro<br />
Pathet Sepuluh, Kalajengaken Ginem. Jroning Ginem Sedaya<br />
Ringgit Tansah Nanduaken Asta (Kumlawe) Manut Tata Pernah Utawi<br />
Udanegaraipun Ringgit, Conto: Menawi Juragan Ingkang Dawuh<br />
Nanduaken Asta Cekap Asta Setunggal Ingkang Ngajeng, Menawi<br />
Abdi ingkang Matur, Kedah Nandukaken Tangan Kanti Tangan Kalih.
Change language