pedalangan jilid 2

414
gulune, kagigit pedhoting gurung njrebabah ndhepani bantala den tekakna
jaman rat pengadhilan, kombul ponang sukma.
Gangsa mungel Alap-alapan laras Slendro pathet Serang. Ringgit
perang malih, lena Jalawalikrama dipun gigit dening Kalakirna pejah
saknalika. Jalawalikrama tancep paseban kiwa mlumah (kaentha pejah)
Kalakirna tancep siti inggil tengen. Medal sesarengan saking
anggane Jalawalikrama lan Kalakirna (Jalawalikrama=Sugriwa, Kalakirna=Subali).
Sugriwa lan Subali kaentha sami nggegana. Gendhing
suwuk lajeng ginem.
Ginem.
659. Sugriwa : Oh… ya, ya. Apa kakang pangling karo aku.
660. Subali : Aku ora pangling karo rika nadyan aku wus
manunggal klawan ragane Reksa Saputra ya
Kalakirna.
661. Sugriwa : Saiki aku mbok prawasa, titenana mbesuk
kakang, aku bakal males marang kakang Subali.
Titi mangsa yen mbesuk ana bocah
nom-noman sing wani karo maratuwane ya
iku aku kakang…wis kariya slamet kakang....
Gangsa mungel Alap-alapan laras Slendro pathet Serang. Sugriwa
kalampahaken mangiwa, Subali wangsul dateng anggane Kalakirna.
Jalawalikrama ingkang awujud bangke kaentas mangiwa sinaretan
katutup kayon. Sumaliwati medal saking tengen nuli tancep siti inggil
kiwa marep manengen. Gendhing suwuk lajeng ginem.
Ginem.
662. Kalakirna : Wis kelakon sirna Prabu Jalawalikrama.
663. Sumaliwati : Menawi mekaten mangga kula dherekaken
marak sowan ing ngarsa rama Prabu Sumalidewa.
664. Kalakirna : Yen kaya mangkono ayo dak tutne lakumu
wong ayu….
Gangsa mungel Ayak Slendro pathet Serang. Ringgit sami kalampahaken
mangiwa bidhal dhateng Purwacarita. Sigeg kayon gantos
papan. Kalakirna kawedalaken saking tengen papakan lan Kuswanalendra,
Kalakirna tancep siti inggil tengen, Kuswa tancep siti inggil kiwa,
Sumaliwati medal saking tengen nuli tancep siti inggil tengen sak