pedalangan jilid 2

407
nanggih jeneng kita sakloron. Repatkepanasan
ana manungsa, titah Nayomarcapada
arep nembing Suralaya, apa maneh kang
aran Kalakirna arep njaluk widadari, arep
nglamar widadari.
584. Wisnu : Ingkang dipun kajengaken widadari sinten
wa....
585. Narada : Garwamu Sri Widawati ngger. Ha.., Wisnu,
Sri Widowati bakal rinoyok rosa rinebut wani
karo Kalakirna.
586. Wisnu : Kurang ajar. Kula ingkang badhe ngunduraken
pun Kalakirna.
587. Narada : Woo, sing ati-ati ngger…
Gangsa mungel Ayak Kempul Kerep laras Slendro pathet Sanga.
Wisnu kepanggih Kalakirna. Wisnu tancep siti inggil tengen, Kalakirna
tancep siti inggil kiwa. Gendhing suwuk lajeng ginem.
Ginem.
588. Wisnu : Apa sliramu kang aran Kalakirna.
589. Kalakirna : Yaa, iki dewa sapa iki…
590. Wisnu : Macan Engyang Suralaya, Bathara Wisnu.
591. Kalakirna : Sing mburi…
592. Basuki : Aku Bathara Basuki.
593. Kalakirna : Woo…, Wisnu karo Basuki. Ana apa Nu…
594. Wisnu : Apa bener sliramu arep nglamar widadari
Dewi Sri Widowati.
595. Kalakirna : Wah iyo Nu…., jarene Sri Widowati iku yahmana-yahmene
tansah dadi rebutan. Ha
sakiki karepku dewa iki welasa karo aku. Kejaba
ngilangi penyakitku mbok aku lilanana
duwe bojo widadari.
596. Wisnu : Sri Widawati iku Bojoku, Garwane Bathara
Wisnu…..
597. Kalakirna : Wa…., lilakna Nu…, bojomu aku sing nduwe
Nu ya….
598. Wisnu : Kurangajar…., Kalakirna…
599. Kalakirna : Ana paran.
600. Wisnu : Iso methik sekar Nilawindu Dewi Widawati
yen wis bedhah dhadhane Bethara Wisnu.
601. Kalakirna : Lek ngono tak leboni sayembaramu.
602. Wisnu : Suwe mijet wohing ranti aku nggawe patimu.
603. Kalakirna : Yooh…, tak ayoni budimu.
604. Wisnu : Kakang ngatos-atos kakang.