მოგზაურობა დედამიწის ცენტრისაკენ

- სწორედ ამაში არა ვარ დარწმუნებული, ბიძაჩემო, რადგან სარწმუნოა თუ არაეს დოკუმენტი, არავინ იცის.- როგორ! ამ წიგნს რაღას უშვრები, რომელშიაც ის ხელნაწერი ვიპოვეთ!- კეთილი! დავუშვათ, რომ ეს სტრიქონები არნე საკნუსემმა დაწერა, მაგრამ განააქედან გამომდინარეობს, რომ მან მართლაც იმოგზაურა მიწის წიაღში? ხომ შეიძლებაეს პერგამენტი მისტიფიკაციას შეიცავდეს?თითქმის ვინანე, რომ ეს უკანასკნელი, ოდნავ გებედული სიტყვა წამომცდა.პროფესორმა ხშირი წარბები შეიჭმუხნა და შემეშინდა, მთელი შემდგომი საუბარიფუჭად ხომ არ ჩამივლის-მეთქი, მაგრამ საბედნიეროდ, ჩემმა მკაცრმა მოსაუბრემღიმილისმაგვარი რამ წარმოისახა ტუჩებზე და მიპასუხა:- ამასაც ვნახავთ.- ვნახავთ! - ვთქვი მე ოდნავ ნაწყენმა! - მაგრამ ნება მომეცით, მოვათავო ამდოკუმენტთან დაკავშირებული შენიშვნები.- თქვი, ჩემო ბიჭო, ნუ მომერიდები, სრულ თავისუფლებას გაძლევ, გამოთქვიშენი აზრი. შენ ახლა ჩემი ძმისწული კი აღარა ხარ, არამედ ჩემი კოლეგა. აბა, შეუდექ.- თუ ასეა, ჯერ მინდა გკითხოთ, რა არის ეს იოკული, სნეფესი და სკარტარისი,რომელთა შესახებ არასოდეს არაფერი გამიგია?- ამაზე ადვილი არაფერია. სწორედ რამდენიმე ხნის წინ ჩემმა მეგობარმააუგუსტ პეტერმანმა ლაიფციგიდან ერთი რუკა გამომიგზავნა, სწორედ კარგ დროსმივიღე. აიღე მესამე ატლასი წიგნების დიდი კარადის მეორე განყოფილებაში, სერიაძ, თარო 4.ავდექი და, ასეთი ზუსტი მითითების წყალობით, სწრაფად ვიპოვე საჭიროატლასი. ბიძაჩემმა გადაშალა და მითხრა:- აი, ისლანდიის ერთ-ერთი საუკეთესო რუკა, ჰენდერსონის მიერ შედგენილი.ვფიქობ, მისი დახმარებით ყველა სიძნელეს დავძლევთ.რუკასთან დავიხარე.- აი, ვულკანური წარმოშობის კუნძული, - თქვა პროფესორმა, - ყურადღებამიაქციე, რომ ყველა ეს ვულკანი იოკულის სახელს ატარებს. ეს სიტყვაისლანდიურად "მყინვარს" ნიშნავს, ისლანდიის მაღალ განედებში, დედამიწისზედაპირი ყინულითაა დაფარული და ვულკნის ამოფრქვევის დროს ლავის ყინულისფენას ჰკვეთს. აქედან დამკვიდრდა იოკულის სახელწოდება კუნძულის ყველავულკანური მთის აღსანიშნავად.- კეთილი, - ვუპასუხე მე, - მაგრამ რა არის სნეფელსი?იმედი მქონდა, რომ ამ შეკითხვაზე მაინც არ მოიძებნებოდა პასუხი, მაგრამშევცდი. ბიძაჩემმა განაგრძო:ისლანდიის დასავლეთა ნაპირს გამოყევი, რეიკიავიკს, ამ ქვეყნის დედაქალაქსთუ ამჩნევ? კეთილი. აჰყევი ამ ზღვის მიერ გამოჭმული ნაპირი ურიცხვ ფიორდს დაშეჩერდი განედის სამოცდამეხუთე გრადუსის ოდნავ ქვემოთ. რას ხედავ მანდ?- რაღაც ნახევარკუნძულს, შემოღრღნილ ძვალს რომ ჰგავს და ვეებერთელამუხლის თავივით რომ ბოლოვდება.- შედარება ზუსტია, ჩემო ბიჭო; ახლა ეს მითხარი, ამ მუხლის თავზე ხომარაფერს ამჩნევ?- დიახ, თითქოს ზღვიდან ამოსული მთაა.- კეთილი! სწორედ ეგ არის სნეფელსი.- სნეფელსი?