! DOLGOZAT_lemezre - ELTE BTK disszertációk

GEORGIUS TRAPEZUNTIUS ANDREAE FILIO SALUTEM. 1
De partibus orationis brevi compendio, Andrea fili, ad te scribere constitui. Nam cum viderem
Latinam linguam his iunioribus grammaticae magistris corruere, nihil earum nugarum, quas
illi docent, tenello ingenio tuo proponendum putavi. Et enim si quae a pueris nobis discuntur,
ea facile ad senectutem perveniunt, non est negligenda haec aetas, nec oblivione digna sunt
tradenda, sed quae non paeniteat aetate grandiores a pueritia percepisse. 2
Quae cum ita sint, neque Prisciani exquisita volumina pueris danda videantur,
compendium ex eo non parvo labore confecimus, quod si memoriae tradideris, optimos
profecto fructus uberioresque concipies. Nam, ut agricolae, nisi semina curiose delegerint
agrumque probe coluerint, tempore messis lugeant, necesse est; sic, nisi quis rudem animum
bonis regulis auctoribusque imbuerit, maior aetate metet ignorantiam. 3
Qua in re, si mihi cum primum docere impulsus sum, fuisset obtemperatum Virgilium
Ciceronemque pueris offerenti, non ut intelligerent, quod ab ea aetate alienissimum est, sed ut
crebra lectione memoriter tenerent, quae pueritiae propria studia sunt. Multi profecto in
praesentiarum iuvenes praeceptione nostra laetarentur, et nos melius sibi, quam parentes
prospexisse profiterentur. 4
Verum quoniam communem paene omnium pravam consuetudinem, quam
dediscendam discunt, magna ex parte vel inviti secuti sumus, tu, quem non alieno ductu, sed
nostro docere possumus. Virgilium nunc et has regulas, paulo post Ciceronis nonnulla
memoriae commenda, quae sola virtus animi his teneris annis summo opere pollet. Deinde,
cum per aetatem attendere poteris, facilius intelliges, quae molliori animo infixa fuerant. Quod
si facies, ostendes profecto et me recte multis consuluisse, et te a tertio apud Hesiodum ordine
hominum longe abesse: 5
Optimus ille quidem, qui per sese omnia noscens
Praeceptor suus ipse sibi meliora peregit
Ille bonus rursum monitus, qui recta sequetur.
Qui nec ipse videt, neque credit recta monenti,
Hic nulla in parte est utilis. 6
Οτος µο πανάρισος, ς ατ πάντα νοήσει,
φρασσάµενος, τά τπειτα καί ς τέλος σιν µέινω,
σθλòς δ α κκενος, ς ε επντι πίθηται,
ς δέ κε µήτ ατς νοέ, µήτλλου κοων
ν θυµ βάλληται, δ ατ χρήϊος νήρ. 7
1
Tit. Georgius Trapezuntius Andreae filio salutem. A
2
brevi compendio et de his potissimum, que flectuntur B ║ quom viderem B
3
Que quom B ║
4
memoriter AR memorie B
5
summopere B ║ fuerint A fuerunt B fuerant R
6
versus Latini ABR
7
versus Graeci ins. A [HESIODOS: Erga 1, 293-297.]
105